ಹೆಚ್ಚುತ್ತಿರುವ ನೀರಿನ ಸಮಸ್ಯೆ- ಚೆನ್ನೈನಲ್ಲಿ ನೀರು ವಿತರಣೆಗೆ ಟೋಕನ್

ಕುಡಿಯುವ ನೀರಿಗಾಗಿ ಜನರು ಜಗಳ, ನೂಕು ನುಗ್ಗಲು, ಗಲಾಟೆಗಳನ್ನು ಮಾಡಿಕೊಂಡ ಘಟನೆಗಳು ವರದಿಯಾದ ಹಿನ್ನೆಲೆಯಲ್ಲಿ ಸ್ಥಳೀಯ ಆಡಳಿತ ಈ ಕ್ರಮಕ್ಕೆ ಮುಂದಾಗಿದೆ. ಚೆನ್ನೈ ಮಹಾ ನಗರದಲ್ಲಿ ಮೂರು ವರ್ಷಗಳಿಂದ ತೀವ್ರ ಬರ ಕಾಣಿಸಿಕೊಂಡಿದೆ. ಈ ಬಾರಿಯೂ ಮಳೆಯಾಗದ ಕಾರಣಚೆನ್ನೈನಗರದಲ್ಲಿ ಅಂತರ್ಜಲಮಟ್ಟ ತಳಮಟ್ಟ ತಲುಪಿದೆ.ನಗರಕ್ಕೆ ನೀರು ಸರಬರಾಜು ಮಾಡುತ್ತಿದ್ದ ಜಲಮೂಲಗಳಲ್ಲಿ ನೀರಿಲ್ಲದೆ, ಸ್ಥಳೀಯ ಆಡಳಿತ ಕಂಗಾಲಾಗಿದೆ.

ಇದನ್ನೂ ಓದಿಚೆನ್ನೈನಲ್ಲಿ ನೀರಿನ ಸಮಸ್ಯೆ-ಮನೆಯಿಂದಲೇ ಊಟದ ಪ್ಲೇಟು ತನ್ನಿ-ಐಟಿ ಕಂಪನಿಗಳ ಸಲಹೆ

ಚೆನ್ನೈ ಮಹಾನಗರಕ್ಕೆ ಪ್ರತಿದಿನ 830 ಮಿಲಿಯನ್ ಲೀಟರ್ ನೀರಿನ ಅವಶ್ಯಕತೆ ಇದ್ದು, ಪ್ರತಿದಿನ ಸಮುದ್ರ ನೀರನ್ನು ಶದ್ದೀಕರಿಸುವುದು, ಕೆರೆಗಳು, ಕಟ್ಟೆಗಳಿಂದ ಸುಮಾರು 530 ಮಿಲಿಯನ್ ಲೀಟರ್ ನೀರನ್ನು ಒದಗಿಸಲಾಗುತ್ತಿದೆ. ಈ ನೀರಿನ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಇರುವ ಕಡಿಮೆ ನೀರನ್ನು ವಿತರಿಸಲೂ ಜನರಿಂದ ಸಾಕಷ್ಟು ಅಡ್ಡಿಯಾದ ಕಾರಣ ಟೋಕನ್ ವಿತರಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಇನ್ನು ಮುಂದೆ ಟೋಕನ್ ಇದ್ದವರಿಗೆ ನೀರು, ಇಲ್ಲದಿದ್ದರೆ ಇಲ್ಲ ಎಂದು ಅಧಿಕಾರಿಗಳು ಹೇಳುತ್ತಿದ್ದಾರೆ.