ಮೊದಲ ವೇತನ ನೀಡಿದ ನಿಫಾ ಸಂತ್ರಸ್ತೆ ಪತಿ; ವಿದ್ಯಾರ್ಥಿನಿಯಿಂದ ₹1.5 ಲಕ್ಷ ದೇಣಿಗೆ

7
ಇವು ಕೇರಳ ಪ್ರವಾಹಕ್ಕೆ ಮಿಡಿದ ಮನಸುಗಳು

ಮೊದಲ ವೇತನ ನೀಡಿದ ನಿಫಾ ಸಂತ್ರಸ್ತೆ ಪತಿ; ವಿದ್ಯಾರ್ಥಿನಿಯಿಂದ ₹1.5 ಲಕ್ಷ ದೇಣಿಗೆ

Published:
Updated:

ತಿರುವನಂತಪುರ: ಕೇರಳದಲ್ಲಿ ಉಂಟಾಗಿರುವ ಭೀಕರ ಪ್ರವಾಹದ ಸಂತ್ರಸ್ತರಿಗೆ ದೇಶದ ವಿವಿಧೆಡೆಯಿಂದ ನೆರವು ಹರಿದುಬರುತ್ತಿದೆ.

ಇತ್ತೀಚೆಗೆ ನಿಫಾ ವೈರಾಣು ಸೋಂಕಿನಿಂದ ಮೃತಪಟ್ಟಿದ್ದ ದಾದಿ ಲಿನಿ ಪುಥುಶ್ಶೇರಿ ಅವರ ಪತಿ ಸಜೀಶ್ ತಮ್ಮ ಮೊದಲ ವೇತನ ₹25 ಸಾವಿರವನ್ನು ಮುಖ್ಯಮಂತ್ರಿಗಳ ವಿಪತ್ತು ಪರಿಹಾರ ನಿಧಿಗೆ ನೀಡಿದ್ದಾರೆ. ಲಿನಿ ಅವರ ಸೇವೆಯನ್ನು ಪರಿಗಣಿಸಿದ್ದ ರಾಜ್ಯ ಸರ್ಕಾರ ಅವರ ಪತಿಗೆ ಉದ್ಯೋಗ ಕಲ್ಪಿಸಿತ್ತು. ಹೀಗೆ ಪಡೆದ ಉದ್ಯೋಗದಿಂದ ದೊರೆತ ಮೊದಲ ವೇತನವನ್ನೇ ಅವರು ಪರಿಹಾರವಾಗಿ ನೀಡಿದ್ದಾರೆ. ರೋಗಿಗಳ ನಿಗಾ ನೋಡಿಕೊಳ್ಳುತ್ತಿದ್ದ ದಾದಿ ಲಿನಿ ತಾವೇ ಸೋಂಕಿಗೆ ಗುರಿಯಾಗಿದ್ದರು.

ಇನ್ನೊಂದೆಡೆ, ಮೀನು ಮಾರಾಟ ಮಾಡುತ್ತಿರುವುದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್‌ಗೆ ಗುರಿಯಾಗಿದ್ದ ಹನನ್ ಹಮೀದ್ ಎಂಬ ವಿದ್ಯಾರ್ಥಿನಿ ಮುಖ್ಯಮಂತ್ರಿಗಳ ವಿಪತ್ತು ಪರಿಹಾರ ನಿಧಿಗೆ ₹1.5 ಲಕ್ಷ ನೀಡಿದ್ದಾರೆ.

‘ಜನರು ನೀಡಿರುವ ಹಣವನ್ನು ಅಗತ್ಯವಿರುವವರಿಗೆ ನೀಡಲು ಸಂತಸವಾಗುತ್ತದೆ’ ಎಂದು ಹನನ್‌ ತಿಳಿಸಿದ್ದಾರೆ.

ತೊಡುಪುಳದ ಖಾಸಗಿ ಕಾಲೇಜಿನ ವಿದ್ಯಾರ್ಥಿನಿಯಾಗಿರುವ ಹನನ್ ಹಮೀದ್ ಕಾಲೇಜು ಅವಧಿ ಮುಗಿದ ಬಳಿಕ ಎರ್ನಾಕುಲಂನ ಥಮ್ಮನಂ ಎಂಬಲ್ಲಿ ಮೀನು ಮಾರಾಟ ಮಾಡಿ ಕುಟುಂಬಕ್ಕೆ ಆರ್ಥಿಕವಾಗಿ ನೆರವಾಗುತ್ತಿದ್ದಾರೆ. ಈ ಬಗ್ಗೆ ‘ಮಾತೃಭೂಮಿ’ ದಿನಪತ್ರಿಕೆ ಮನಮಿಡಿಯುವ ಸುದ್ದಿ ಪ್ರಕಟಿಸಿತ್ತು. ಇದನ್ನು ಚಿತ್ರ ತಾರೆಯರು, ರಾಜಕಾರಣಿಗಳು ಸೇರಿದಂತೆ ಹಲವರು ಸಾಮಾಜಿಕ ಮಾಧ್ಯಮದಲ್ಲಿ ಶೇರ್‌ ಮಾಡಿದ್ದರು. ಈ ಸುದ್ದಿಯ ಸತ್ಯಾಸತ್ಯತೆಯ ಬಗ್ಗೆ ಕೆಲವರು ಅನುಮಾನ ವ್ಯಕ್ತಪಡಿಸಿದ್ದರು. ಕಾಲೇಜಿನ ಪ್ರಾಂಶುಪಾಲರು ಹಾಗೂ ಆಕೆಯ ನೆರೆಹೊರೆಯವರು ‘ಇದು ಸುಳ್ಳು ಸುದ್ದಿಯಲ್ಲ’ಎಂದು ಸ್ಪಷ್ಟನೆ ನೀಡಿದ್ದರೂ ಆಕೆಯನ್ನು ಅವಹೇಳನಕಾರಿಯಾಗಿ ಟ್ರೋಲ್‌ ಮಾಡಲಾಗಿತ್ತು.

ಪಿಂಚಿಣಿ ಹಣವನ್ನೇ ಪರಿಹಾರ ನೀಡಿದರು!

ಕಣ್ಣೂರು ಜಿಲ್ಲೆಯ ತಲಶ್ಶೇರಿಯ ರೋಹಿಣಿ (68) ಎಂಬುವವರು ಪ್ರತಿ ತಿಂಗಳು ₹600 ಪಿಂಚಣಿ ಪಡೆಯುತ್ತಾರೆ. ಇತರ ಯಾವುದೇ ಆರ್ಥಿಕ ಮೂಲಗಳು ಇಲ್ಲದಿದ್ದರೂ, ₹1000ವನ್ನು ಪ್ರವಾಹಪೀಡಿತರಿಗಾಗಿ ದೇಣಿಗೆ ನೀಡಿದ್ದಾರೆ.

ಇನ್ನಷ್ಟು...

ಜಲಪ್ರಳಯದಲ್ಲಿ ನಲುಗಿದೆ ಕೇರಳ: ವಿವಿಧ ರಾಜ್ಯಗಳಿಂದ ಪರಿಹಾರ ಸಹಕಾರ

ಕೇರಳ ಪ್ರವಾಹ ಮಾನವ ನಿರ್ಮಿತ ದುರಂತ: ಮಾಧವ ಗಾಡ್ಗೀಳ್

* ಕೇರಳದಲ್ಲಿ ಮತ್ತೆ ಮಳೆ ಸಾಧ್ಯತೆ: 11 ಜಿಲ್ಲೆಗಳಲ್ಲಿ ರೆಡ್ ಅಲರ್ಟ್‌

* ಕೇರಳ ಪ್ರವಾಹ: ವೈಮಾನಿಕ ಸಮೀಕ್ಷೆ ನಡೆಸಿದ ಪ್ರಧಾನಿ; ₹500 ಕೋಟಿ ಪರಿಹಾರ ಘೋಷಣೆ

ಬರಹ ಇಷ್ಟವಾಯಿತೆ?

  • 14

    Happy
  • 1

    Amused
  • 1

    Sad
  • 0

    Frustrated
  • 0

    Angry

Comments:

0 comments

Write the first review for this !