ನವದೆಹಲಿ: ಐಎಎಸ್, ಐಪಿಎಸ್, ಐಎಫ್ಎಸ್ ಸೇವೆಗಳಿಗೆ ಆಯ್ಕೆ ಮಾಡುವ ನಾಗರಿಕ ಸೇವೆಯ 2020ನೇ ಸಾಲಿನಪೂರ್ವಭಾವಿ ಪರೀಕ್ಷೆಯನ್ನು ಕೇಂದ್ರ ಲೋಕಸೇವಾ ಆಯೋಗ (ಯುಪಿಎಸ್ಸಿ) ಮುಂದೂಡಿದೆ.
ನಿಗಧಿಯಂತೆ ಪೂರ್ವಭಾವಿ ಪರೀಕ್ಷೆ ಮೇ 31ಕ್ಕೆ ನಡೆಯಬೇಕಿತ್ತು. ಆಯೋಗವುಆಡ್ಮಿಟ್ ಕಾರ್ಡ್ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಂಡಿತ್ತು. ಈ ವೇಳೆ ಲಾಕ್ಡೌನ್ ಘೋಷಣೆಯಾಯಿತು.
ಕೊರೊನಾ ವೈರಸ್ ಪರಿಣಾಮ ದೇಶದಲ್ಲಿ 3ನೇ ಹಂತದಲ್ಲಿ ಲಾಕ್ಡೌನ್ ವಿಧಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಆಯೋಗವು ಪರೀಕ್ಷೆಯನ್ನು ಮುಂದೂಡಿದೆ. ಮೇ 20ರ ಬಳಿಕ ಪೂರ್ವಭಾವಿ ಪರೀಕ್ಷೆ ದಿನಾಂಕವನ್ನು ನಿರ್ಧರಿಸಿ ಪ್ರಕಟಿಸಲಾಗುವುದು ಎಂದು ಯುಪಿಎಸ್ಸಿ ಪ್ರಕಟಣೆಯಲ್ಲಿ ತಿಳಿಸಿದೆ.
31ಕ್ಕೆ ಪೂರ್ವಭಾವಿ ಪರೀಕ್ಷೆ ನಡೆದಿದ್ದರೆ ಕಳೆದ 45 ವರ್ಷಗಳಲ್ಲಿ ಇದೇ ಮೊದಲ ಸಲ ಮೇ ತಿಂಗಳಲ್ಲಿಪರೀಕ್ಷೆ ನಡೆದ ಎಂಬ ಹೆಗ್ಗಳಿಕೆಯೂ ದಾಖಲಾಗುತ್ತಿತ್ತು
ಪೂರ್ವಭಾವಿ ಪರೀಕ್ಷೆಯನ್ನು ಮುಂದೂಡುವಂತೆ ವಿದ್ಯಾರ್ಥಿಗಳು ಆಯೋಗಕ್ಕೆ ಮನವಿ ಮಾಡಿದ್ದರು. ಕಳೆದ ಏಪ್ರಿಲ್ ತಿಂಗಳಲ್ಲಿ ಕೇಂದ್ರ ಸಚಿವ ಜಿತೇಂದ್ರ ಸಿಂಗ್ ಸಹ ಪರೀಕ್ಷೆ ಮುಂದೂಡುವುದಾಗಿ ಹೇಳಿದ್ದರು.