ಉತ್ತರ ಪ್ರದೇಶ | ‘ಜೈಶ್ರೀರಾಂ’ ಎನ್ನದವರ ಮೇಲೆ ಹಲ್ಲೆ

ಈ ಹುಡುಗರು ಮೈದಾನದಲ್ಲಿ ಕ್ರಿಕೆಟ್‌ ಆಡುತ್ತಿದ್ದರು. ಆಗ ಅಲ್ಲಿಗೆ ಬಂದ ಯುವಕರು ಅವರ ಬ್ಯಾಟ್‌ ಕಸಿದುಕೊಂಡು ‘ಜೈಶ್ರೀರಾಂ’ ಘೋಷಣೆ ಕೂಗುವಂತೆ ಹೇಳಿದರು. ‘ಘೋಷಣೆ ಕೂಗಲು ನಿರಾಕರಿಸಿದಾಗ ಬ್ಯಾಟ್‌ನಿಂದಲೇ ಹೊಡೆದರು. ನಾವು ಓಡಿದಾಗ ನಮ್ಮತ್ತ ಅವರು ಕಲ್ಲೆಸೆದರು’ ಎಂದು ಹುಡುಗನೊಬ್ಬ ಹೇಳಿದ್ದಾನೆ.

ಯುವಕರನ್ನು ಬಂಧಿಸಿದ ಬಳಿಕ ಪಟ್ಟಣದಲ್ಲಿ ಪ್ರಕ್ಷುಬ್ಧ ಸ್ಥಿತಿ ನಿರ್ಮಾಣ ವಾಗಿತ್ತು. ಬಿಜೆಪಿಯ ನೂರಾರು ಕಾರ್ಯಕರ್ತರು ಕೊತ್ವಾಲಿ ಪೊಲೀಸ್‌ ಠಾಣೆಯನ್ನು ಸುತ್ತುವರಿದು ಯುವಕರಿಬ್ಬರನ್ನೂ ಬಿಡುಗಡೆ ಮಾಡುವಂತೆ ಆಗ್ರಹಿಸಿದರು. ಹಾಗಾಗಿ, ಶಾಂತಿ ಮತ್ತು ಸುವ್ಯವಸ್ಥೆ ಕಾಪಾಡಲು ದೊಡ್ಡ ಸಂಖ್ಯೆಯಲ್ಲಿ ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಲಾಯಿತು.