ವಾಹನವಿಲ್ಲದೆ ಗರ್ಭಿಣಿಯನ್ನು 4 ಕಿ.ಮೀಟರ್‌ವರೆಗೂ ಹೊತ್ತು ಸಾಗಿದ ಸಂಬಂಧಿಕರು

7

ವಾಹನವಿಲ್ಲದೆ ಗರ್ಭಿಣಿಯನ್ನು 4 ಕಿ.ಮೀಟರ್‌ವರೆಗೂ ಹೊತ್ತು ಸಾಗಿದ ಸಂಬಂಧಿಕರು

Published:
Updated:

ವಿಜಯವಾಡ: ಸರಿಯಾದ ರಸ್ತೆ ಮತ್ತು ವಾಹನ ಸಂಪರ್ಕ ಇಲ್ಲದೇ ಇರುವುದರಿಂದ ಗರ್ಭಿಣಿಯೊಬ್ಬರನ್ನು ಅವರ ಸಂಬಂಧಿಕರು ಕಾಡು ದಾರಿಯಲ್ಲೇ ನಾಲ್ಕು ಕಿ.ಮೀಟರ್‌ಗಳವರೆಗೆ ಹೊತ್ತುಕೊಂಡು ಹೋಗಿರುವ ಘಟನೆ ವರದಿಯಾಗಿದೆ. 

ಆಂಧ್ರಪ್ರದೇಶದ ವಿಜಯನಗರಂ ಜಿಲ್ಲೆಯ ಅರಣ್ಯ ಪ್ರದೇಶ ವ್ಯಾಪ್ತಿಯಲ್ಲಿ ಬರುವ ಚಿಂತಲ ಸಾಸೂರು ಎಂಬ ಬುಡಕಟ್ಟ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಈ ಗ್ರಾಮದಿಂದ ಎಂಟು ಕಿ.ಮೀಟರ್ ವ್ಯಾಪ್ತಿಯ ಒಳಗೆ ಯಾವುದೇ ಆಸ್ಪತ್ರೆ ಸೌಕರ್ಯವಿಲ್ಲ, ಹಾಗೇ ಗ್ರಾಮಕ್ಕೆ ಸರಿಯಾದ ರಸ್ತೆ ಸಂಪರ್ಕವು ಇಲ್ಲ ಎಂದು ಚಿಂತಲ ಸಾಸೂರು ಗ್ರಾಮಸ್ಥರು ದೂರಿದ್ದಾರೆ. 

ಗರ್ಭಿಣಿ ಮುತ್ತಮ್ಮ ಅವರನ್ನು ಬಿದಿರಿನ ಬೊಂಬಿಗೆ ಬಟ್ಟೆ ಕಟ್ಟಿ ಅದರಲ್ಲಿ ಕೂರಿಸಿಕೊಂಡು ಕಾಡಿನಲ್ಲಿ ಸುಮಾರು 4 ಕಿ. ಮೀಟರ್ ವರೆಗೂ ಸಾಗಿದ್ದಾರೆ. ದಾರಿ ಮಧ್ಯೆದಲ್ಲೇ ಹೆರಿಗೆ ಆಗಿದ್ದರಿಂದ ಮತ್ತೆ ಮನೆಗೆ ಮರಳಿದ್ದಾರೆ. ಅದೃಷ್ಟವಶಾತ್ ತಾಯಿ ಮತ್ತು ಮಗು ಸುರಕ್ಷಿತವಾಗಿದ್ದಾರೆ.

ಮಹಿಳೆಯನ್ನು ಅವರ ಸಂಬಂಧಿಕರು ಹೊತ್ತುಕೊಂಡು ಹೋಗುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಘಟನೆ ಸೆಪ್ಟೆಂಬರ್‌ 4 ರಂದು ನಡೆದಿದೆ. 

ಕಳೆದ ಜುಲೈ 29ರಂದು ಇದೇ ಜಿಲ್ಲೆಯಲ್ಲೇ ಗರ್ಭಿಣಿ ಮಹಿಳೆಯನ್ನು 12 ಕಿ.ಮೀ ಹೊತ್ತುಕೊಂಡು ಸಾಗಿರುವ ಘಟನೆ ವರದಿಯಾಗಿತ್ತು. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !