ಆಲ್ಫಾ–ಎಕ್ಸ್ ಈ ಶತಮಾನದ ತಂತ್ರಜ್ಞಾನದೊಂದಿಗೆ ತಯಾರಾದ ಬುಲೆಟ್ ರೈಲು. ಇದರಲ್ಲಿಕಂಪನ ಸಂವೇದಕ(ವೈಬರೇಷನ್ ಸೆನ್ಸಾರ್), ತಾಪಮಾನ ಸಂವೇದಕ (ಟೆಂಪರೇಚರ್ ಸೆನ್ಸಾರ್)ಗಳಿವೆ. ಇದರ ಮುಖ ವಿನ್ಯಾಸವು 72 ಅಡಿಗಳಷ್ಟು ಮುಂದಕ್ಕೆ ಚಾಚಿಕೊಂಡಂತಿದ್ದು, ವೇಗವಾಗಿ ಮತ್ತು ಸುರಂಗಗಳಲ್ಲಿ ಚಲಿಸಲು ಯೋಗ್ಯವಾಗಿದೆ. ಭೂಕಂಪನದಿಂದ ಉದ್ಭವಿಸುವ ಕಂಪನಗಳ ಪರಿಣಾಮಗಳನ್ನು ತಾಳಿಕೊಳ್ಳಬಲ್ಲ ವ್ಯವಸ್ಥೆ ಇದರಲ್ಲಿದೆ. ಆಲ್ಫಾದ ಎಲೆಕ್ಟ್ರಿಕ್ ಬೋಗಿಗಳನ್ನು ಖ್ಯಾತ ಆಟೋಮೊಬೈಲ್ ಸಂಸ್ಥೆ ಕವಾಸಕಿ ತಯಾರಿಸಿದೆ.