ಮೋದಿ ನಿರ್ಧಾರದಿಂದ ಖುಷಿಯಾಗುವರೇ ವೀರಪ್ಪ ಮೊಯಿಲಿ?

ದೇಶದ ಆಡಳಿತ ಸುಧಾರಣೆಗಾಗಿ 2005ರಲ್ಲಿ ಮನಮೋಹನ್‌ ಸಿಂಗ್‌ ಅವರ ಸರ್ಕಾರ ಎರಡನೇ ಆಡಳಿತ ಸುಧಾರಣಾ ಆಯೋಗವನ್ನು ರಚನೆ ಮಾಡಿತ್ತು. ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ವೀರಪ್ಪ ಮೊಯಿಲಿ ಅದರ ಅಧ್ಯಕ್ಷರಾಗಿದ್ದರು.2006ರಿಂದ 2009ರ ವರೆಗೆ ಈ ಆಯೋಗವು 15 ಅಧ್ಯಾಯಗಳ ಬೃಹತ್‌ ವರದಿ ಸಲ್ಲಿಸಿತ್ತು. ಆಡಳಿತ ಸುಧಾರಣೆಗಾಗಿ ಮೊಯಿಲಿ ಆಯೋಗ ಹಲವು ಸಲಹೆ ಸೂಚನೆಗಳನ್ನು ನೀಡಿತ್ತಾದರೂ, ನಂತರದಲ್ಲಿ ಅದು ಜಾರಿಯಾಗದೇ ಉಳಿಯಿತು.

ಸದ್ಯ ಮೋದಿ ಸರ್ಕಾರ ಈ ವರದಿಯನ್ನು ಜಾರಿಗೆ ತರಲು ನಿರ್ಧರಿಸಿದೆ ಎಂದು ಹೇಳಲಾಗಿದೆ. ಈ ಸಂಬಂಧ ಮುಂದಿನ ಕ್ರಮ ಕೈಗೊಳ್ಳಲು ಮೋದಿಆಡಳಿತ ಸುಧಾರಣಾ ಇಲಾಖೆಗೆ ಸೂಚನೆ ನೀಡಿದ್ದಾರೆ ಎನ್ನಲಾಗಿದೆ. ಈ ಕುರಿತು ರಾಷ್ಟ್ರೀಯ ಆಂಗ್ಲ ನಿಯತಕಾಲಿಕೆThe Week ಮೂಲಗಳ ಮಾಹಿತಿ ಉಲ್ಲೇಖಿಸಿ ವರದಿ ಮಾಡಿದೆ. ಅಲ್ಲದೆ, ಈ ವರದಿ ಜಾರಿಯಾಗದೇ ಉಳಿದ ಬಗ್ಗೆ ಅವರು ಬೇಸರ ವ್ಯಕ್ತಪಡಿಸಿದ್ದಾರೆ ಎಂದೂThe Week ವರದಿ ಮಾಡಿದೆ.