Covid-19 India Update | 6,500 ಹೊಸ ಪ್ರಕರಣ,ಸಾವಿನ ಸಂಖ್ಯೆ 4,185ಕ್ಕೆ ಏರಿಕೆ
ನವದೆಹಲಿ:ಕೋವಿಡ್ -19 ಪರೀಕ್ಷೆ ಜಾಸ್ತಿಯಾಗಿದ್ದು ಪ್ರತಿದಿನ 612 ಲ್ಯಾಬ್‌ಗಳಲ್ಲಿ ಸುಮಾರು 1.1 ಲಕ್ಷ ಮಾದರಿಗಳನ್ನು ಪರೀಕ್ಷೆ ಮಾಡಲಾಗುತ್ತಿದೆ.ಈವರೆಗೆ 60,490 ರೋಗಿಗಳು ಗುಣಮುಖರಾಗಿದ್ದಾರೆ. ದೇಶದಲ್ಲಿ ಚೇತರಿಕೆ ದರ ಸುಧಾರಿಸಿಕೊಂಡಿದ್ದು ಪ್ರಸ್ತುತ ಶೇ.41.61 ರಷ್ಟಿದೆ. ಇತರ ದೇಶಗಳಿಗೆ ಹೋಲಿಸಿದರೆ ಭಾರತದಲ್ಲಿ ಸಾವಿನ ಸಂಖ್ಯೆ ಕಡಿಮೆ ಆಗಿದ್ದು, ಮರಣ ಸಂಖ್ಯೆ ದರ ಶೇ 2.87ರಷ್ಟಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲವ್ ಅಗರವಾಲ್ ಹೇಳಿದ್ದಾರೆ.
ಭಾರತದಲ್ಲಿ ಸೋಂಕು ಪ್ರಕರಣಗಳ ಸಂಖ್ಯೆ 1,46,256ಕ್ಕೇರಿದ್ದುಸಾವಿನ ಸಂಖ್ಯೆ 4,185ಕ್ಕೆ ತಲುಪಿದೆ.
ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಪ್ರಕಾರ ಇಲ್ಲಿಯವರೆಗೆ 60491 ಮಂದಿ ಚೇತರಿಸಿಕೊಂಡಿದ್ದು, 80722 ಸಕ್ರಿಯ ಪ್ರಕರಣಗಳು ಇವೆ.
ಗುಜರಾತಿನಲ್ಲಿ ಇಲ್ಲಿಯವರೆಗೆ 14460 ಮಂದಿಗೆ ಸೋಂಕು ದೃಢಪಟ್ಟಿದ್ದು, ಸಾವಿನ ಸಂಖ್ಯೆ 888ಕ್ಕೇರಿದೆ. ಕೇರಳದಲ್ಲಿ ಇವತ್ತು 67 ಜನರಿಗೆ ಕೋವಿಡ್-19 ದೃಢಪಟ್ಟಿದೆ. 10 ಮಂದಿ ಗುಣಮುಖರಾಗಿದ್ದು 415 ಮಂದಿ ಚಿಕಿತ್ಸೆಯಲ್ಲಿದ್ದಾರೆ. ಅದೇ ವೇಳೆ ಇನ್ನು ಮುಂದೆ ಸಾಂಸ್ಥಿಕ ಕ್ವಾರಂಟೈನಲ್ಲಿರುವವರು ಹಣ ಪಾವತಿ ಮಾಡಬೇಕು ಎಂದು ಪಿಣರಾಯಿ ವಿಜಯನ್ ಹೇಳಿದ್ದಾರೆ.
ದೇಶದಲ್ಲಿ 24 ಗಂಟೆಗಳ ಅವಧಿಯಲ್ಲಿ 6,535 ಹೊಸ ಕೋವಿಡ್–19 ಪ್ರಕರಣಗಳು ದೃಢಪಟ್ಟಿವೆ. 146 ಜನ ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಿಳಿಸಿದೆ.
Spike of 6,535 new COVID19 cases and 146 deaths in the last 24 hours. Total number of cases in the country now at 1,45,380 including 80,722 active cases, 60,490 cured/discharged and 4167 deaths: Ministry of Health and Family Welfare pic.twitter.com/LNmlTd8t1n
— ANI (@ANI) May 26, 2020
ಕೊರೊನಾದಿಂದ ತತ್ತರಿಸಿರುವ ಮಹಾರಾಷ್ಟ್ರದಲ್ಲಿ ಸೋಂಕಿತರ ಸಂಖ್ಯೆ 52,667 ತಲುಪಿದ್ದು, ಈವರೆಗೆ 1695 ಸೋಂಕಿತರು ಮೃತಪಟ್ಟಿದ್ದಾರೆ. 15,786 ಜನ ಚೇತರಿಸಿದ್ದಾರೆ.
ದೇಶದಲ್ಲಿ ಕಳೆದ ಮೂರ್ನಾಲ್ಕು ದಿನಗಳಿಂದ ಸತತವಾಗಿ ದಿನವೊಂದರ ಅವಧಿಯಲ್ಲಿ ಆರು ಸಾವಿರಕ್ಕೂ ಹೆಚ್ಚು ಜನರಿಗೆ ಸೋಂಕು ತಗುಲಿರುವುದು ಪತ್ತೆಯಾಗುತ್ತಿದೆ. ಜಾಗತಿಕವಾಗಿ ಅತಿ ಹೆಚ್ಚು ಸೋಂಕಿತರಿರುವ ಅಗ್ರ ಹತ್ತು ರಾಷ್ಟ್ರಗಳ ಪಟ್ಟಿಗೆ ಭಾರತವೂ ಸೋಮವಾರ ಸೇರ್ಪಡೆಯಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.