ನವದೆಹಲಿ : 2017–18ನೇ ಹಣಕಾಸು ವರ್ಷದಲ್ಲಿ ಬೇಳೆಕಾಳು ಆಮದು ಪ್ರಮಾಣವು 10 ಲಕ್ಷ ಟನ್ಗಳಷ್ಟು ಕಡಿಮೆ ಆಗಿದೆ. ಇದರಿಂದ ಕೇಂದ್ರ ಸರ್ಕಾರಕ್ಕೆ ವಿದೇಶಿ ವಿನಿಮಯದಲ್ಲಿ ₹ 9,775 ಕೋಟಿ ಉಳಿತಾಯವಾಗಿದೆ.
2016–17ರಲ್ಲಿ 66 ಲಕ್ಷ ಟನ್ ಬೇಳೆಕಾಳು ಆಮದಾಗಿತ್ತು. ಇದು 2017–18ರಲ್ಲಿ 56.5 ಲಕ್ಷ ಟನ್ಗಳಿಗೆ ಇಳಿಕೆಯಾಗಿದೆ ಎಂದು ಕೃಷಿ ಸಚಿವಾಲಯ ಮಾಹಿತಿ ನೀಡಿದೆ.
ದಾಖಲೆ ಉತ್ಪಾದನೆ: 2017–18ನೇ ಬೆಳೆ ವರ್ಷದಲ್ಲಿನ ಉತ್ಪಾದನೆಯು ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 2.39 ಕೋಟಿ ಟನ್ಗಳಿಗೆ ಏರಿಕೆಯಾಗಿದೆ. 2016–17ರಲ್ಲಿ 2.31 ಕೋಟಿ ಟನ್ ಉತ್ಪಾದನೆ ಆಗಿತ್ತು.