ಹೆಲ್ಮೆಟ್ ಕೇಳಿದಕ್ಕೆ ಪೊಲೀಸರ ಮೇಲೆ ಹಿಗ್ಗಾಮುಗ್ಗಾ ಹಲ್ಲೆ: ವ್ಯಕ್ತಿ ಬಂಧನ

7

ಹೆಲ್ಮೆಟ್ ಕೇಳಿದಕ್ಕೆ ಪೊಲೀಸರ ಮೇಲೆ ಹಿಗ್ಗಾಮುಗ್ಗಾ ಹಲ್ಲೆ: ವ್ಯಕ್ತಿ ಬಂಧನ

Published:
Updated:

ದಾವಣಗೆರೆ: ಹೆಲ್ಮೆಟ್ ಧರಿಸದೆ ವಾಹನ ಚಾಲನೆ ಮಾಡುತ್ತಿದ್ದಾಗ ತಡೆದು ವಿಚಾರಿಸಲು ಮಂದಾದ ಪೊಲೀಸರ ಮೇಲೆ ಬೈಕ್‌ ಸವಾರ ಹಿಗ್ಗಾಮುಗ್ಗಾ ಹಲ್ಲೆ ನಡೆಸಿದ್ದು, ಆತನನ್ನು ಕೆಟಿಜೆ ನಗರ ಪೊಲೀಸರು ಬುಧವಾರ ಬಂಧಿಸಿದ್ದಾರೆ.

ಎಎಸ್‌ಐ ಅಂಜಿನಪ್ಪ, ಹೆಡ್‌ ಕಾನ್‌ಸ್ಟೆಬಲ್‌ ನಾರಾಯಣರಾಜ್‌ ಅರಸ್‌ ​ಹಾಗೂ ಕಾನ್‌ಸ್ಟೆಬಲ್‌​ ಸಿದ್ದೇಶ್ ಇಲ್ಲಿನ ಹದಡಿ ರಸ್ತೆಯಲ್ಲಿ ವಾಹನ ತಪಾಸಣೆ ನಡೆಸುತ್ತಿದ್ದರು. ಈ ವೇಳೆ ಹೆಲ್ಮೆಟ್‌ ಧರಿಸದೇ ಬೈಕ್‌ನಲ್ಲಿ ಬಂದ ಸಿದ್ದರಾಮೇಶ್ವರ ಬಡಾವಣೆಯ ಬಂಧಿತ ಅರೋಪಿ  ರುದ್ರೇಶ್‌ಗೆ ವಾಹನ ನಿಲ್ಲಿಸುವಂತೆ ಸೂಚನೆ ನೀಡಿದ್ದಾರೆ. ಆತ ಮುಂದಕ್ಕೆ ಚಲಿಸಲು ಯತ್ನಿಸಿದಾಗ ಅಡ್ಡಗಟ್ಟಿ ನಿಲ್ಲಿಸಿದ್ದಾರೆ.

ಈ ವೇಳೆ ಬೈಕ್‌ನಿಂದ ಇಳಿದ ರುದ್ರೇಶ್‌ ಕಲ್ಲಿನಿಂದ ಹೆಡ್‌ಕಾನ್‌ಸ್ಟೆಬಲ್‌ ನಾರಾಯಣರಾಜ್‌ ಅವರ ತಲೆಗೆ ಹೊಡೆದಿದ್ದಾನೆ. ತಡೆಯಲು ಬಂದ ಎಎಸ್‌ಐ ಅಂಜಿನಪ್ಪ ಅವರಿಗೂ ತಲೆಯ ಹಿಂಭಾಗ, ಮೈ ಹಾಗೂ ಕೈಗೆ ಹೊಡೆದು ನೆಲಕ್ಕೆ ಬೀಳಿಸಿದ್ದಾನೆ.

ಸದ್ಯ ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ನಾರಾಯಣರಾಜ್‌ ಅವರ ತಲೆಗೆ 20 ಹೊಲಿಗೆಗಳನ್ನು ಹಾಕಲಾಗಿದೆ.

ಆರೋಪಿ ರುದ್ರೇಶ್‌ ಕುಡಿದು ಬೈಕ್‌ ಚಲಾಯಿಸುತ್ತಿದ್ದ ಎನ್ನಲಾಗಿದ್ದು, ಕೆಟಿಜೆನಗರ ಪೊಲೀಸ್‌ ಠಾಣೆಗೆ ಕರೆದೊಯ್ಯಲಾಗಿದೆ. ಎಸ್‌ಪಿ ಆರ್‌.ಚೇತನ್‌ ವಿಚಾರಣೆ ನಡೆಸುತ್ತಿದ್ದಾರೆ.

ಬರಹ ಇಷ್ಟವಾಯಿತೆ?

  • 2

    Happy
  • 1

    Amused
  • 0

    Sad
  • 1

    Frustrated
  • 4

    Angry

Comments:

0 comments

Write the first review for this !