ಕೋಲಾರ: ಜಿಲ್ಲೆಯಲ್ಲಿ ಮಧ್ಯಾಹ್ನ 1 ಗಂಟೆವರೆಗೆ ಶೇ. 33.44 ರಷ್ಟು ಮತದಾನವಾಗಿದ್ದು, ಸಮಯ ಕಳೆದಂತೆ ಮತದಾನದ ಪ್ರಮಾಣ ಹೆಚ್ಚುತ್ತಾ ಸಾಗಿದೆ.
ಜಿಲ್ಲೆಯ ಆರು ವಿಧಾನಸಭಾ ಕ್ಷೇತ್ರಗಳಿಂದ ಬೆಳಿಗ್ಗೆ 9 ಗಂಟೆವರೆಗೆ ಸರಾಸರಿ ಶೇ 7.68 ಮತದಾನವಾಗಿತ್ತು. ನಂತರದ ಎರಡು ತಾಸಿನಲ್ಲಿ ಮತದಾನ ಸ್ವಲ್ಪ ಚುರುಕುಗೊಂಡಿತು. ಮಧ್ಯಾಹ್ನ 12 ಗಂಟೆ ವೇಳೆಗೆ ಶೇ 16.23 ಮತದಾನವಾಗಿತ್ತು. ಈವರೆಗೆ ಕೆಜಿಎಫ್ ಮೀಸಲು ಕ್ಷೇತ್ರದಲ್ಲಿ ಅತಿ ಹೆಚ್ಚು ಶೇ 37.04 ಮತ್ತು ಮಾಲೂರು ಕ್ಷೇತ್ರದಲ್ಲಿ ಕಡಿಮೆ ಶೇ 30 ಮತದಾನವಾಗಿದೆ.
