ಬಾದಾಮಿಯಲ್ಲಿ ತಾಪಂ ಅಧಿಕಾರಿಗಳ ಸಭೆ: ಗರಂ ಆದ ಸಿದ್ದರಾಮಯ್ಯ

7

ಬಾದಾಮಿಯಲ್ಲಿ ತಾಪಂ ಅಧಿಕಾರಿಗಳ ಸಭೆ: ಗರಂ ಆದ ಸಿದ್ದರಾಮಯ್ಯ

Published:
Updated:

ಬಾಗಲಕೋಟೆ:  ಜಿಲ್ಲೆಯ ಬಾದಾಮಿಯಲ್ಲಿ ಬುಧವಾರ ತಾಲೂಕು ಪಂಚಾಯಿತಿ ಅಧಿಕಾರಿಗಳ ಸಭೆ ನಡೆಸಿದ ಮಾಜಿ ಸಿಎಂ, ಬಾದಾಮಿ ಶಾಸಕ ಸಿದ್ಧರಾಮಯ್ಯ ಅಧಿಕಾರಿ ಅಮಾನತಿಗೆ ಸೂಚನೆ ನೀಡಿದ್ದಾರೆ.

ಗ್ರಾಮೀಣ ಕುಡಿಯುವ ನೀರು ಪೂರೈಕೆ ಇಲಾಖೆ ಪ್ರಭಾರಿ ಮುಖ್ಯ ಇಂಜಿನಿಯರ್ ವೆಂಕಟೇಶ ನಾಯಕರನ್ನು ಸಿದ್ದರಾಮಯ್ಯ ತರಾಟೆಗೆ ತೆಗೆದುಕೊಂಡರು.

ಕಚೇರಿಗೂ ಬರಲ್ಲ... ರಜೆ ಹಾಕದೇ ಗೈರು ಹಾಜರಾಗಿದ್ದೀರಿ. ಎಂಟು ತಿಂಗಳಿಂದ 63 ಶುದ್ಧ ನೀರಿನ ಘಟಕಗಳು ಬಂದ್ ಆಗಿವೆ. ದುರಸ್ತಿ ಮಾಡಿಸಲು ಕ್ರಮ ಕೈಗೊಂಡಿಲ್ಲ. ಏನು ಮಾಡುತ್ತೀರಿ ಎಂದು ಗರಂ ಆದರು.

ತಕ್ಷಣ ಅಧಿಕಾರಿ ವೆಂಕಟೇಶ ನಾಯಕ ಅಮಾನತು ಮಾಡಲು ಜಿ.ಪಂ ಸಿಇಒಗೆ ಸೂಚನೆ ನೀಡಿದರು.

ಬಿಇಒಗೆ ಕ್ಲಾಸ್
ಎಷ್ಟು ಶಾಲೆಗೆ ಭೇಟಿ ಮಾಡಿದ್ದೀರಿ...? ಯಾವ ಸಮಸ್ಯೆ ಬಗೆಹರಿಸಿದ್ದೀರಿ... ಡೈರಿಯಲ್ಲಿ ನಮೂದು ಮಾಡಿದ್ದನ್ನು ತೋರಿಸುವಂತೆ ಬಿಇಒಗೆ ಸಿದ್ದರಾಮಯ್ಯ ಕೇಳಿದರು.

ಡೈರಿ ಇಲ್ಲ, ಆಫೀಸ್ ನಲ್ಲಿ ಅಂಥ ಹೇಳ್ತೀಯಲ್ಲ... ಸಭೆಗೆ ಬಂದಿದ್ದೇಕೆ? ಕೆಡಿಪಿಗೆ ಬರಬೇಕಾದ್ರೆ ಮಾಹಿತಿ ತರಬೇಕು ಅನ್ನೋದು ಗೊತ್ತಲ್ವ... ಈ ಬೇಸಿಕ್ ತಿಳಿದಿಲ್ವ? ಈ ಹಿಂದೆ ಕೆಡಿಪಿ ಸಭೆಯಲ್ಲಿ ಇಂಥವನ್ನ ಕೇಳಿಲ್ವ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಎಲ್ಲ ಇಲಾಖೆ ಅಧಿಕಾರಿಗಳು ಡೈರಿ ಮೆಂಟೇನ್ ಮಾಡಬೇಕು. ನಾನು ಕೇಳಿದಾಗ ತೋರಿಸಬೇಕು. ಇವತ್ತು ವಾರ್ನಿಂಗ್ ಅಷ್ಟೇ... ಇದರಲ್ಲಿ ಯಾರಿಗೂ ರಿಯಾಯ್ತಿ ಇಲ್ಲ ಎಂದು ಸಿದ್ದರಾಮಯ್ಯ ಎಚ್ಚರಿಕೆ ನೀಡಿದರು.

ಸರ್ಕಾರದ ಕೆಲಸ ಅಂದ್ರೆ ಹುಡುಗಾಟ ಅಲ್ಲ... ಕೆಲಸ ಮಾಡುವುದಕ್ಕೆ ಆಗದಿದ್ದರೆ ಜಾಗ ಖಾಲಿ ಮಾಡಿ. ಜನರು, ರೈತರು ನಿಮ್ಮ ಬಗ್ಗೆ ದೂರು ಕೊಟ್ಟರೆ ಕ್ರಮ ತೆಗೆದುಕೊಳ್ಳುತ್ತೇನೆ. ಕಚೇರಿಯಲ್ಲಿ ಲಭ್ಯ ಇರುವ ಸಮಯ ಜನರಿಗೆ ಗೊತ್ತಾಗಬೇಕು ಎಂದರು.

ಬರಹ ಇಷ್ಟವಾಯಿತೆ?

  • 40

    Happy
  • 6

    Amused
  • 2

    Sad
  • 0

    Frustrated
  • 1

    Angry

Comments:

0 comments

Write the first review for this !