ಟಾರ್ಚ್ ಬೆಳಕಿನಲ್ಲಿ ಹೊಲ ವೀಕ್ಷಣೆ
ಮೊಳಕಾಲ್ಮುರು: ತಾಲ್ಲೂಕಿನ ಮುತ್ತಿಗಾರಹಳ್ಳಿಗೆ ಸಂಜೆ 4.30ಕ್ಕೆ ತಾಲ್ಲೂಕಿಗೆ ತಂಡ ಬರಬೇಕಿತ್ತು. ಆದರೆ ತಂಡ ಬಂದಾಗ ಸಂಜೆ 6.50 ಆಗಿತ್ತು. ಹೀಗಾಗಿ ರಾಯಾಪುರದಲ್ಲಿ ಟ್ಯಾಂಕರ್ ನೀರು ಪೂರೈಕೆ ಮಾಡುತ್ತಿರುವುದನ್ನು ವೀಕ್ಷಿಸುವುದು ರದ್ದಾಯಿತು. ಮುತ್ತಿಗಾರಹಳ್ಳಿಯಲ್ಲಿ ಕೇವಲ 15 ನಿಮಿಷದಲ್ಲಿ ಟಾರ್ಚ್ ಬೆಳಕಿನಲ್ಲಿ ರಾಗಿ ಹೊಲ ವೀಕ್ಷಿಸಿ, ಇಳುವರಿ, ನಷ್ಟದ ಪ್ರಮಾಣ ಹಾಗೂ ಗೋಶಾಲೆಯಲ್ಲಿ ದೇವರ ಎತ್ತುಗಳ ಮಾಹಿತಿಯನ್ನು ತಂಡ ಪಡೆಯಿತು.