ಬೀದರ್‌: ದೆಹಲಿಯ ನಿಜಾಮುದ್ದೀನ್‌ ಪ್ರದೇಶದ ತಬ್ಲೀಗ್‌ ಜಮಾತ್ ಕೇಂದ್ರ ಕಚೇರಿಯಲ್ಲಿನಡೆದ ಧಾರ್ಮಿಕ ಸಭೆಯಲ್ಲಿ ಪಾಲ್ಗೊಂಡು ನಗರಕ್ಕೆ ಮರಳಿರುವ ವ್ಯಕ್ತಿಯ ಮಗಳು ಹಾಗೂ ಅವರ ಸಹೋದರನ ಮಗಳಿಗೂಕೋವಿಡ್ 19 ಸೋಂಕು ದೃಢಪಟ್ಟಿದೆ.
ದೆಹಲಿಯಿಂದ ಮರಳಿದ ವ್ಯಕ್ತಿ ಮಗಳಿಗೂ ಸೋಂಕು ತಗುಲಿದೆ. ತನ್ನ ಸಹೋದರನ ಮನೆಯಲ್ಲಿ ವಾಸವಾಗಿರುವ ತಾಯಿಯನ್ನು ಭೇಟಿಯಾಗಲು ಬರುತ್ತಿದ್ದರು. ಸಹೋದರನ ಮಗಳಿಗೂ ಸೋಂಕು ತಗುಲಿದೆ. ಶನಿವಾರ ಅತ್ತಿಗೆ ಸೋಂಕು ತಗುಲಿರುವುದು ದೃಢಪಟ್ಟಿತ್ತು. ಒಂದೇ ಪರಿವಾರದ ನಾಲ್ವರಿಗೆ ಸೋಂಕು ತಗುಲಿದೆ.
ಓಲ್ಡ್‌ಸಿಟಿಯ ನಯಾಕಮಾನ್ ಹಾಗೂ ಮನಿಯಾರ್ ತಾಲೀಮ್‌ನಲ್ಲಿ ಸೀಲ್‌ಡೌನ್‌ ಮಾಡಲಾಗಿದೆ. ಈ ಪ್ರದೇಶದಲ್ಲಿ ವಾಸವಾಗಿರುವ 90ಕ್ಕೂ ಹೆಚ್ಚು ಜನರ ವೈದ್ಯಕೀಯ ತಪಾಸಣೆ ನಡೆಸಿ ಎಲ್ಲರನ್ನೂ ನಗರದ ವಸತಿನಿಲಯವೊಂದರಲ್ಲಿ ಇರಿಸಲಾಗಿದೆ.
