ಚಂಡೀಗಡ: ಬಾಲಕಿಯರ ಶಾಲೆಗಳಲ್ಲಿ 50ಕ್ಕಿಂತ ಕಡಿಮೆ ವಯೋಮಾನದ ಪುರುಷ ಶಿಕ್ಷಕರನ್ನು ಸೇವೆಗೆ ನಿಯೋಜಿಸಬಾರದು ಎಂದು ಪಂಜಾಬ್‌ನ ಶಿಕ್ಷಣ ಇಲಾಖೆ ಪ್ರಸ್ತಾವವೊಂದನ್ನು ಇರಿಸಿದೆ.
ಶಿಕ್ಷಕರ ವರ್ಗಾವಣೆ ನಿಯಮ 2018ರ ಕರಡು ಮಸೂದೆಯಲ್ಲಿ ಈ ಅಂಶ ಉಲ್ಲೇಖಿಸಲಾಗಿದ್ದು, 15 ದಿನಗಳ ಒಳಗಾಗಿ ಪ್ರತಿಕ್ರಿಯೆ ನೀಡುವಂತೆ ಸೂಚಿಸಿ ಇಲಾಖೆಯ ವೆಬ್‌ಸೈಟಿನಲ್ಲಿ ಇದನ್ನು ಪ್ರಕಟಿಸಲಾಗಿದೆ.
ಶಿಕ್ಷಕರ ವಲಯದಿಂದ ಇದಕ್ಕೆ ತೀವ್ರ ಖಂಡನೆ ವ್ಯಕ್ತವಾಗಿದೆ. ಸರ್ಕಾರಿ ಶಿಕ್ಷಕರ ಒಕ್ಕೂಟ ಈ ಪ್ರಸ್ತಾವವನ್ನು ತಳ್ಳಿಹಾಕಿದೆ.
‘ಸರ್ಕಾರದ ಈ ಪ್ರಸ್ತಾವವನ್ನು ನಾವು ಖಂಡಿಸುತ್ತೇವೆ’ ಎಂದು ಒಕ್ಕೂಟದ ಅಧ್ಯಕ್ಷ ಸುಖವಿಂದರ್ ಚಹಲ್ ಹೇಳಿದ್ದಾರೆ.
