ಕಾರವಾರ:ದೇಶದ ಪಶ್ಚಿಮ ಕರಾವಳಿಯಲ್ಲಿ ಇದೇಮೊದಲ ಬಾರಿಗೆ ‘ಬ್ಲೂಸ್ಪೈನ್ಯೂನಿಕಾರ್ನ್ ಫಿಶ್’, ನಗರ ಸಮೀಪದ ದೇವಭಾಗದಲ್ಲಿ ಗುರುವಾರ ಕಂಡುಬಂದಿದೆ.
ಕಾಡುಹಂದಿಯನ್ನು ಹೋಲುವ ಮುಖ, ಅದರ ಮೇಲೊಂದು ಕೊಂಬು, ಬೆನ್ನಿನ ಭಾಗದಲ್ಲಿ ಮುಳ್ಳುಗಳಿರುವ ಈ ಮೀನು ಇದೇ ಮೊದಲ ಬಾರಿಗೆ ಮೀನುಗಾರರ ಬಲೆಗೆ ಬಿದ್ದಿದೆ. ಈ ಪ್ರಭೇದದ ಮೀನುಗಳುಶಾಂತ ಮಹಾಸಾಗರದ ವ್ಯಾಪ್ತಿಯಲ್ಲಿರುವ ಆಸ್ಟ್ರೇಲಿಯಾ, ಜಪಾನ್ ಸುತ್ತಮುತ್ತ ಸಾಮಾನ್ಯವಾಗಿ ಕಂಡುಬರುತ್ತವೆ.
ಈ ಬಗ್ಗೆ ಕಡಲಜೀವ ವಿಜ್ಞಾನ ಅಧ್ಯಯನ ಕೇಂದ್ರದ ಪ್ರಾಧ್ಯಾಪಕ ಶಿವಕುಮಾರ ಹರಗಿ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.
‘ಮಹಾರಾಷ್ಟ್ರ, ಗೋವಾ, ಕರ್ನಾಟಕ ಹಾಗೂ ಕೇರಳ ಭಾಗದಲ್ಲಿ ಈ ಮೀನು ಕಂಡುಬಂದ ಮಾಹಿತಿಯಿಲ್ಲ. 80ರ ದಶಕದಲ್ಲಿ ಶ್ರೀಲಂಕಾ ಮತ್ತು ಲಕ್ಷದ್ವೀಪಗಳ ಸುತ್ತಮುತ್ತ ಕಂಡುಬಂದಿತ್ತು.ಹಿಂದೂ ಮಹಾಸಾಗರದ ಹವಳದ ದಂಡೆಗಳಿರುವ ಪ್ರದೇಶದಲ್ಲಿ ಕಾಣಿಸಿಕೊಂಡಿದ್ದಾಗಿ ದಾಖಲೆಗಳಲ್ಲಿ ಉಲ್ಲೇಖವಿದೆ.ಇದರಲ್ಲಿ ಮತ್ತೊಂದು ಜಾತಿಯ ಮೀನು ಓಮನ್ ದೇಶದಲ್ಲಿ ಕೆಲವು ವರ್ಷಗಳ ಹಿಂದೆಪತ್ತೆಯಾಗಿತ್ತು’ ಎಂದು ತಿಳಿಸಿದರು.
ಸಮುದ್ರಪಾಚಿ ಆಹಾರ:‘ವೈಜ್ಞಾನಿಕವಾಗಿ ನಾಸೋ ಯೂನಿಕಾರ್ನ್ ಎಂದು ಕರೆಯಲಾಗುವುಇವುಗಳಿಗೆಸಮುದ್ರ ಕಳೆಯೇ (ಆಲ್ಗೆ) ಆಹಾರ. ಕಾರವಾರದ ಮಾಜಾಳಿ, ದೇವಭಾಗ ಭಾಗದಲ್ಲಿ ಕಳೆ ಬೆಳೆಯುತ್ತದೆ. ಹಾಗಾಗಿ ಆಹಾರ ಅರಸುತ್ತ ಇಲ್ಲಿಗೆ ಬಂದಿರುವ ಸಾಧ್ಯತೆಯಿದೆ. ಮೀನುಗಾರರಿಗೂ ಈ ಮೀನಿನ ಮಾಹಿತಿ ಇರಲಿಲ್ಲ.ನೋಡಲು ವಿಶಿಷ್ಟವಾಗಿರುವ ಇದನ್ನು ಅಕ್ವೇರಿಯಂಗಳಲ್ಲಿ ಸಾಕುತ್ತಾರೆ. ಆಹಾರಕ್ಕೂ ಬಳಕೆ ಮಾಡುತ್ತಾರೆ. ಸುಮಾರು 50 ಸೆಂಟಿಮೀಟರ್ಗಳವರೆಗೆ ಬೆಳೆಯುತ್ತವೆ’ ಎಂದು ಅವರು ಮಾಹಿತಿ ನೀಡಿದರು.