ಟಾಲಿವುಡ್‌ನ ಪ್ರಿನ್ಸ್‌ ಎಂದೇ ಖ್ಯಾತರಾಗಿರುವ ನಟ ಮಹೇಶ್‌ಬಾಬು ಅರರೂಪದ ಗೌರವಕ್ಕೆ ಪಾತ್ರರಾಗಿದ್ದಾರೆ. ಅವರ ಮೇಣದ ಪ್ರತಿಮೆ ಇನ್ನು ಕೆಲವೇ ದಿನಗಳಲ್ಲಿ ಮೇಡಂ ಟುಸ್ಸಾಡ್ಸ್‌ ಮ್ಯೂಸಿಯಂನಲ್ಲಿ ಅನಾವರಣಗೊಳ್ಳಲಿದೆ.
ಈ ವಿಷಯವನ್ನು ಮಹೇಶ್‌ಬಾಬು ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ‘ಟುಸ್ಸಾಡ್ಸ್‌ ಮ್ಯೂಸಿಯಂನಲ್ಲಿ ಮೇಣದ ಪ್ರತಿಮೆಯನ್ನು ಏರ್ಪಡಿಸಲು ವಿವರಗಳಿಗಾಗಿ ಮ್ಯೂಸಿಯಂನ ಪ್ರತಿನಿಧಿಗಳು ಸಂಪರ್ಕಿಸಿದರು. ಈ ಸಂದರ್ಭದಲ್ಲಿ ಅವರಿಗೆ ಕೃತಜ್ಞತೆ ಸಲ್ಲಿಸಿದೆ’ ಎಂದು ಅವರು ಟ್ವೀಟ್ ಮಾಡಿದ್ದಾರೆ.
ಮೇಡಂ ಟುಸ್ಸಾಡ್ಸ್‌ನಲ್ಲಿ, ಈ ವರೆಗೆ ಸ್ಥಾನ ಗಳಿಸಿದ ಏಕೈಕ ತೆಲುಗು ನಟ ಬಾಹುಬಲಿ ಖ್ಯಾತಿಯ ಪ್ರಭಾಸ್‌. ಈಗ ಈ ಸಾಲಿಗೆ ಮಹೇಶ್‌ಬಾಬು ಕೂಡ ಸೇರ್ಪಡೆಯಾಗಲಿದ್ದಾರೆ. ಈಚೆಗೆ ತೆರೆಕಂಡ ‘ಭರತ್ ಅನೆ ನೇನು’ ಚಿತ್ರದ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿರುವ ಮಹೇಶ್‌ಬಾಬುಗೆ ಈ ಗೌರವ ಮತ್ತಷ್ಟು ಖುಷಿ ನೀಡಿದೆ.
