ತಾಯಿ ತೀರಿಕೊಂಡರೂ ಬಂದು ಮತದಾನ‌ ಮಾಡಿದ ಮಗ

‘ತಾಯಿ ವಿಮಲಾ ನಾಯಕ್ ಅವರು ನಸುಕಿನಲ್ಲಿ ತೀರಿಕೊಂಡರು. ಮತದಾನ ಮಾಡಲೇಬೇಕು ಎಂದು ಬೆಳಿಗ್ಗೆಯೇ ಬಂದು ವೋಟ್ ಹಾಕಿದೆ’ಎಂದು ನಾಯಕ್ ತಿಳಿಸಿದರು. ನಾಯಕ್ ಅವರ ಪತ್ನಿ ಇಂದಿರಾ ನಾಯಕ್ ಅವರೂ‌ಮತ ಚಲಾಯಿಸಿದರು.

ಹುಬ್ಬಳ್ಳಿಯಲ್ಲಿ ಮತದಾರರ ಉತ್ಸಾಹ:ವಾಣಿಜ್ಯ ನಗರ ಹುಬ್ಬಳ್ಳಿಯಲ್ಲಿ ಮತದಾರರು ತುಂಬ ಉತ್ಸಾಹದಿಂದ ಮತದಾನದಲ್ಲಿ ಭಾಗವಹಿಸಿದರು.

ಭವಾನಿನಗರದ ಬೂತ್ ಸಂಖ್ಯೆ 108 , 109, 110, 111, 112, 113ರಲ್ಲಿ ಮತದಾನಕ್ಕೆ ಜನರು ಬೆಳಿಗ್ಗೆಯಿಂದಲೇ ಸಾಲುಗಟ್ಟಿ ನಿಂತಿದ್ದರು. ಒಂಬತ್ತು ಗಂಟೆ ವೇಳೆಗೆ ಜನಜಂಗುಳಿಯಾಗಿತ್ತು. ಕುಸುಗಲ್ ರಸ್ತೆಯಲ್ಲಿರುವ ಭಾರತೀಯ ಸ್ಟೇಟ್ ಬ್ಯಾಂಕ್ ಅಧಿಕಾರಿಗಳ ಸಂಘದ ಶಾಲೆಯಲ್ಲಿಯೂ ಭಾರಿ ಸಂಖ್ಯೆಯಲ್ಲಿ ಜನರು ಮತದಾನ ಮಾಡಲು ಬಂದಿದ್ದರು.

ಬಿಸಿಲು ಸಹ ಹೆಚ್ಚಾಗಿರುವುದರಿಂದ ಝಳ ಏರುವ‌ ಮೊದಲೇ ಮತದಾನ ಮಾಡಲು ಬಂದಿರುವುದಾಗಿ ಜನರು ತಿಳಿಸಿದರು.