ಶಿವಮೊಗ್ಗ: ಬಸವಣ್ಣ ವೀರಶೈವ, ಲಿಂಗಾಯತ ಧರ್ಮ ಸ್ಥಾಪಕರಲ್ಲ. ಅವರಿಗಿಂತಲೂ ಮೊದಲಿನ ದಾಖಲೆಗಳಲ್ಲಿ ಈ ಎರಡು ಪದಗಳ ಬಳಕೆ ಕಾಣಬಹುದು. ಬಸವಣ್ಣ ಧರ್ಮಕ್ಕೆ ಕಾಯಕಲ್ಪ ನೀಡಿದವರುಎಂದು ಸಂಶೋಧಕ ಎಂ. ಚಿದಾನಂದಮೂರ್ತಿ ವಿಶ್ಲೇಷಿಸಿದರು.
ಅಖಿಲಭಾರತ ವೀರಶೈವ ಮಹಾಸಭಾ ಭಾನುವಾರ ಹಮ್ಮಿಕೊಂಡಿದ್ದ ಸಮಾರಂಭದಲ್ಲಿ ‘ಕೆಳದಿ ಶಿವಪ್ಪ ನಾಯಕ’ ಪ್ರಶಸ್ತಿ ಸ್ವೀಕರಿಸಿ ಅವರು ಮಾತನಾಡಿದರು.
ಬಸವಣ್ಣ, ರೇವಣಸಿದ್ದರು ಸಮಕಾಲಿನರು. ವೀರಶೈವ–ಲಿಂಗಾಯತ ಧರ್ಮ ಪ್ರಚುರಪಡಿಸಿದರು. ಇಬ್ಬರೂ ವಾಸ್ತವ ಪುರುಷರು. ಈ ಭೂಮಿಯಲ್ಲಿ ಬದುಕಿದ್ದವರು. ರೇಣುಕಾಚಾರ್ಯರು ಕಾಲ್ಪನಿಕ ವ್ಯಕ್ತಿ. ಕೈಲಾಸ ವಾಸಿ ಎಂದು ಪ್ರತಿಪಾದಿಸಿದರು.
ವೀರಶೈವ, ಲಿಂಗಾಯತ ಎರಡೂ ಒಂದೇ. ಯಾವುದೇ ವ್ಯತ್ಯಾಸ ಇಲ್ಲ. ಬಸವಣ್ಣನವರೇವಚನಗಳಲ್ಲಿ ತಾವುವೀರಶೈವರು ಎಂದು ಉಲ್ಲೇಖಿಸಿದ್ದಾರೆ. ಬಸವಣ್ಣನ ತತ್ವ, ವಚನ, ಆದರ್ಶಗಳು ಇಂದಿಗೂ ದಾರಿದೀಪ. ನುಡಿದಂತೆ ನಡೆದಿದ್ದ ಅಂಥವರನ್ನು ಜನರು ಸ್ಮರಿಸಿದರೆ ಸಾಲದು, ಅನುಸರಿಸಬೇಕು ಎಂದು ಕಿವಿಮಾತು ಹೇಳಿದರು.
