ಸಿಎಂ ಪರಿಹಾರ ನಿಧಿ: ₹99.53 ಕೋಟಿ ಸಂಗ್ರಹ

ಜುಲೈ 9 ರಿಂದ ಸೆಪ್ಟಂಬರ್‌ 12 ರವರೆಗೆ ಮುಖ್ಯಮಂತ್ರಿಯವರ ಪರಿಹಾರ ನಿಧಿಗೆ ಈವರೆಗೆ ₹99,59,87,175 ಸಂಗ್ರಹವಾಗಿದೆ. ಕಳೆದ ವರ್ಷ ಕೊಡಗು ಜಿಲ್ಲೆ ಪ್ರಕೃತಿ ವಿಕೋಪ ಪರಿಹಾರಕ್ಕಾಗಿ ಸಂಗ್ರಹವಾಗಿದ್ದ ಒಟ್ಟು ಹಣದಲ್ಲಿ₹97.17 ಕೋಟಿ ಬಳಕೆಯಾಗದೇ ಖಾತೆಯಲ್ಲೇ ಉಳಿದಿದೆ. ಇದರಿಂದಖಾತೆಯಲ್ಲಿ ₹196.77 ಕೋಟಿ ಲಭ್ಯವಿದ್ದು, ಅದನ್ನು ಪರಿಹಾರ ಕಾರ್ಯಕ್ಕಾಗಿ ಬಳಸಿಕೊಳ್ಳಲಾಗುವುದು ಎಂದು ಮುಖ್ಯಮಂತ್ರಿ ಕಚೇರಿಯ ಮೂಲಗಳು ಹೇಳಿವೆ.

2018 ರಲ್ಲಿ ಕೊಡಗು ಜಿಲ್ಲೆಯಲ್ಲಿ ಸಂಭವಿಸಿದ ಪ್ರಕೃತಿ ವಿಕೋಪದ ಪರಿಹಾರ ಕಾರ್ಯಕ್ಕಾಗಿ ಮುಖ್ಯಮಂತ್ರಿ ಪರಿಹಾರ ನಿಧಿಗೆ ಒಟ್ಟು ₹195.61 ಕೋಟಿ ಸಂಗ್ರಹವಾಗಿತ್ತು.₹ 98.43 ಕೋಟಿ ಬಳಕೆ ಮಾಡಲಾಗಿದೆ.