ಕಾಮಿಡ್‌-ಕೆ ಪ್ರವೇಶ ಪರೀಕ್ಷೆ ಜುಲೈ 25ರಿಂದ ಆಗಸ್ಟ್‌ 1ಕ್ಕೆ ಮುಂದೂಡಿಕೆ

ಬೆಂಗಳೂರು: ಜುಲೈ 25ರಂದು ನಡೆಯಬೇಕಿದ್ದ ಕಾಮಿಡ್‌-ಕೆ ಪ್ರವೇಶ ಪರೀಕ್ಷೆಯನ್ನು ಆ.01ಕ್ಕೆ ಮುಂದೂಡಲಾಗಿದೆ.

ಈ ಬಗ್ಗೆ ಪ್ರಕಟಣೆ ಹೊರಡಿಸಿರುವ ಕಾಮಿಡ್‌-ಕೆ ಕಾರ್ಯನಿರ್ವಾಹಕ ಕಾರ್ಯದರ್ಶಿ, 'ಜುಲೈ 26ರಂದು ನೀಟ್‌ ಪರೀಕ್ಷೆ ಇದೆ. ಕಾಮಿಡ್‌-ಕೆ ಪರೀಕ್ಷೆ ಮುಗಿಸಿದ ಮರುದಿನವೇ ನೀಟ್‌ ಪರೀಕ್ಷಾ ಕೇಂದ್ರಗಳಿಗೆ ಪ್ರಯಾಣಿಸುವುದು ಕಷ್ಟವಾಗಲಿದೆ ಎಂದು ಅಭ್ಯರ್ಥಿಗಳಿಂದ ಮನವಿಗಳು ಬಂದಿವೆ. ಆ ಹಿನ್ನೆಲೆಯಲ್ಲಿ ಜುಲೈ 25ಕ್ಕೆ ನಿಗದಿಪಡಿಸಲಾಗಿದ್ದ ಕಾಮಿಡ್‌-ಕೆ ಪರೀಕ್ಷೆಯನ್ನು ಆ.01ಕ್ಕೆ ಮುಂದೂಡಲಾಗಿದೆ' ಎಂದು ತಿಳಿಸಿದ್ದಾರೆ.

ಈ ಮೊದಲು ಜೂನ್‌ 27ರಂದು ಕಾಮಿಡ್‌-ಕೆ ಪರೀಕ್ಷೆಯನ್ನು ನಡೆಸಲು ನಿರ್ಧರಿಸಲಾಗಿತ್ತು. ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಜೂಲೈ 25ರಂದು ಪರೀಕ್ಷೆಯನ್ನು ಮುಂದೂಡಿ ಆದೇಶ ಹೊರಡಿಸಲಾಗಿತ್ತು.