ದಿನೇಶ್‌ ಗುಂಡೂರಾವ್‌ ವಿರುದ್ಧ ಬಿಜೆಪಿ ದೂರು

‘ಚುನಾವಣಾ ಪ್ರಚಾರ ಮಾಡುವ ಸಂದರ್ಭದಲ್ಲಿ ಯಾವುದೇ ಆಧಾರವಿಲ್ಲದೆ, ನಮಕ್‌ ಹರಾಮ್‌, ದಗೇಬಾಜೆ ಎಂದು ನಿಂದಿಸಿದ್ದಾರೆ. ಇದು ಚುನಾವಣಾ ನೀತಿ ಸಂಹಿತೆಯ ಉಲ್ಲಂಘನೆ’ ಎಂದು ದೂರಿನಲ್ಲಿ ಹೇಳಿದೆ.

ಅಲ್ಲದೆ, ‘ಕರ್ನಾಟಕ ಕಾಂಗ್ರೆಸ್‌’ ಫೇಸ್‌ಬುಕ್‌ ಪೇಜ್‌ನಲ್ಲಿ ‘ಅನರ್ಹ’ ಶೀರ್ಷಿಕೆ ಹಾಕಿ ಬಿಜೆಪಿಯ 15 ಅಭ್ಯರ್ಥಿಗಳ ಚಿತ್ರಗಳನ್ನು ಪ್ರಕಟಿಸಿದ್ದಾರೆ. ಇದು ಅಭ್ಯರ್ಥಿಗಳ ವ್ಯಕ್ತಿತ್ವಕ್ಕೆ ಕುಂದುಂಟು ಮಾಡುತ್ತದೆ. ಇದರಿಂದ ಕ್ಷೇತ್ರದ ಜನರಿಗೂ ಮುಜುಗರ ಆಗುತ್ತದೆ. ಆದ್ದರಿಂದ ಅಡ್ಮಿನ್‌ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು ಎಂದು ಬಿಜೆಪಿ ಒತ್ತಾಯಿಸಿದೆ.