‘ಮೂಲಧರ್ಮವನ್ನು ಬಿಡುವುದಿಲ್ಲ’

ಮಂಗಳವಾರ ಇಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಸಂಘದ ಶೇಖರ ಸಜ್ಜನ, ‘ಕರ್ನಾಟಕ ಸರ್ಕಾರವು ಅಲ್ಪಸಂಖ್ಯಾತ ಆಯೋಗದ ತಜ್ಞರ ಸಮಿತಿಯ ಅನ್ವಯ ಲಿಂಗಾಯತ/ವೀರಶೈವ ಲಿಂಗಾಯತಕ್ಕೆ ಅಲ್ಪಸಂಖ್ಯಾತ ಧರ್ಮದ ಸ್ಥಾನಮಾನ ನೀಡಲು ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡಿದೆ. 94 ಒಳಪಂಗಡಗಳಲ್ಲಿ ಗಾಣಿಗ ಸಮುದಾಯವನ್ನು ಸೇರಿಸಲಾಗಿದೆ. ನಮ್ಮ ಗಮನಕ್ಕೆ ತರದೆ ಏಕಾಏಕಿ ಈ ನಿರ್ಧಾರ ಕೈಗೊಳ್ಳಲಾಗಿದೆ’ ಎಂದು ದೂರಿದರು.

‘ಶಾಲಾ ದಾಖಲಾತಿಗಳಲ್ಲಿ ಹಿಂದೂ ಗಾಣಿಗ ಎಂದಿದೆ. ನಮ್ಮ ಒಪ್ಪಿಗೆ ಇಲ್ಲದೆ ಲಿಂಗಾಯತ ಗಾಣಿಗ/ಗಾಣಿಗೇರ, ಲಿಂಗಾಯತ ಸಜ್ಜನ/ಸಜ್ಜನ ಗಾಣಿಗೇರ, ಲಿಂಗಾಯತ ಕರಿಗಾಣಿಗರು ಎಂದು ಬರೆಯಲಾಗಿದೆ. ಇದು ಕಾನೂನು ಬಾಹೀರ ಕೆಲಸ’ ಎಂದು ಬೇಸರ ವ್ಯಕ್ತಪಡಿಸಿದರು.