ಬೆಂಗಳೂರು: ಯುನೈಟೆಡ್‌ ರೇಸಿಂಗ್‌ ಅಂಡ್‌ ಬ್ಲಡ್‌ಸ್ಟಾಕ್‌ ಬ್ರೀಡರ್ಸ್‌ (ಯುಆರ್‌ಬಿಬಿಎಲ್‌) ಕಂಪನಿಯಲ್ಲಿ ಉದ್ಯಮಿ ವಿಜಯ್‌ ಮಲ್ಯ ಹೊಂದಿರುವ 41,52,272 ಷೇರುಗಳನ್ನು ಇದೇ 30ರಂದು ಇ–ಹರಾಜು ಹಾಕಲು ಸಾಲ ವಸೂಲಾತಿ ನ್ಯಾಯಮಂಡಳಿ– 2 ಘೋಷಣಾ ಪತ್ರ ಹೊರಡಿಸಿದೆ.
ಆದರೆ, ವಿಜಯ್‌ ಮಲ್ಯ ಅವರು ಕಟ್ಟಬೇಕಾಗಿರುವ ಸಾಲಕ್ಕಾಗಿ ಈ ಷೇರುಗಳನ್ನು ವಶಪಡಿಸಿಕೊಳ್ಳಲು ಆದಾಯ ತೆರಿಗೆ ಇಲಾಖೆ ಈಗಾಗಲೇ ಕ್ರಮ ಆರಂಭಿಸಿದೆ. ಇದರಿಂದಾಗಿ, ಈ ಮಾರಾಟ ಕಾನೂನಿನ ದೃಷ್ಟಿಯಲ್ಲಿ ಅನೂರ್ಜಿತ ಆಗಲಿರುವುದರಿಂದ ಯಾರೂ ಹರಾಜು ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಬಾರದು ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.
