ನಕಲು ಬ್ರ್ಯಾಂಡ್ ಉಡುಪು: ₹ 52 ಲಕ್ಷ ಮೌಲ್ಯದ ಅಂಗಿ ವಶ

ಇಲ್ಲಿನ ಜೀವನ್ ಗಾರ್ಮೆಂಟ್ಸ್‌ನಲ್ಲಿ ಹೊಲಿಯಲಾದ ಬಟ್ಟೆಗಳಿಗೆ ಪ್ರಸಿದ್ಧ ಕಂಪನಿಗಳ ಲೋಗೋ ಹಚ್ಚಲಾಗುತ್ತಿತ್ತು. ಈ ಬಗ್ಗೆ ಬೆಂಗಳೂರಿನ ಆದಿತ್ಯ ಬಿರ್ಲಾ ಫ್ಯಾಷನ್ಸ್ ಮತ್ತು ರಿಟೇಲ್ ಸಂಸ್ಥೆಯವರು ಹೊನ್ನಾವರ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಈ ಸಂಬಂಧ ದಾಳಿ ಮಾಡಿದ ಪೊಲೀಸರು, ಗಾರ್ಮೆಂಟ್ಸ್‌ಗೆ ಬೀಗ ಮುದ್ರೆ ಹಾಕಿದರು.

‘ಈ ಘಟಕದಲ್ಲಿಒಂದೆರಡುವರ್ಷಗಳಿಂದಲೇಅಲೆನ್ ಸೋಲಿ, ಲೂಯಿ ಫಿಲಿಫ್, ವ್ಯಾನ್ ಹುಸೆನ್ ಮೊದಲಾದ ಹೆಸರಿನ ನಕಲು ಉಡುಪು ತಯಾರಿಸಲಾಗುತ್ತಿದೆ.ಈಮೂಲಕ ನಮ್ಮ ಕಂಪನಿಯ ಹಕ್ಕುಸ್ವಾಮ್ಯವನ್ನು ಉಲ್ಲಂಘಿಸಲಾಗಿದೆ ಎಂದು ಆದಿತ್ಯ ಬಿರ್ಲಾರಿಟೇಲ್ಸ್ ಕಂಪನಿಯವರು ದೂರು ನೀಡಿದ್ದರು. ಜೀವನ್ ಗಾರ್ಮೆಂಟ್ಸ್ ಮಾಲೀಕರ ವಿರುದ್ಧ ಮೋಸ ಹಾಗೂಹಕ್ಕುಸ್ವಾಮ್ಯಉಲ್ಲಂಘನೆಯ ದೂರು ದಾಖಲಿಸಿಕೊಳ್ಳಲಾಗಿದೆ’ ಎಂದು ಪೊಲೀಸರು ತಿಳಿಸಿದರು.

ಡಿವೈಎಸ್‌ಪಿವೆಲೆಂಟೈನ್ ಡಿಸೋಜಾ ಅವರ ನಿರ್ದೇಶನದಮೇರೆಗೆ ಸಿಪಿಐ ಚೆಲುವರಾಜು ಹಾಗೂ ಪಿಎಸ್ಐ ಸಂತೋಷ ಕಾಯ್ಕಿಣಿ ಅವರಿದ್ದ ಪೊಲೀಸರ ತಂಡ ಕಾರ್ಯಾಚರಣೆಯಲ್ಲಿ ಭಾಗವಹಿಸಿತ್ತು.