ಬಡ ವಿದ್ಯಾರ್ಥಿನಿಯರಿಗೆ ಉಚಿತ ನರ್ಸಿಂಗ್‌ ಶಿಕ್ಷಣ

7

ಬಡ ವಿದ್ಯಾರ್ಥಿನಿಯರಿಗೆ ಉಚಿತ ನರ್ಸಿಂಗ್‌ ಶಿಕ್ಷಣ

Published:
Updated:
Deccan Herald

ರಾಯಚೂರು: ರಾಯಚೂರು ನವೋದಯ ನರ್ಸಿಂಗ್‌ ಕಾಲೇಜಿನಲ್ಲಿ ಓದ ಬಯಸುವ ಬಡ ವಿದ್ಯಾರ್ಥಿನಿಯರಿಗೆ ಸಂಪೂರ್ಣ ಉಚಿತ ಶಿಕ್ಷಣ ಒದಗಿಸುವ ಶಿಷ್ಯವೇತನ ಯೋಜನೆಯನ್ನು ‘ಎಸ್‌.ಆರ್‌.ರೆಡ್ಡಿ ಚಾರಿಟೇಬಲ್‌ ಫೌಂಡೇಷನ್‌’ನಿಂದ ಆರಂಭಿಸಲಾಗಿದೆ.

ಕಡಿಮೆ ಆದಾಯ, ಬಡತನ ರೇಖೆಗಿಂತ ಕೆಳಗಿನ (ಬಿಪಿಎಲ್‌), ಗ್ರಾಮೀಣ ಹಿನ್ನೆಲೆಯ ಹಾಗೂ ಕುಟುಂಬದಲ್ಲಿ ಮೊದಲ ಪದವಿಧರೆಯಾಗುತ್ತಿರುವ ವಿದ್ಯಾರ್ಥಿನಿಯು ಈ ಶಿಷ್ಯವೇತನಕ್ಕೆ ಅರ್ಜಿ ಸಲ್ಲಿಸಬಹುದು. ಪಿಯುಸಿ ಪೂರ್ಣಗೊಳಿಸಿದ ವಿದ್ಯಾರ್ಥಿನಿಯರಿಗೆ ಈ ಸುವರ್ಣಾವಕಾಶವನ್ನು ನವೋದಯ ಶಿಕ್ಷಣ ಸಂಸ್ಥೆ ತೆರೆದಿದೆ. ಒಟ್ಟು 50 ವಿದ್ಯಾರ್ಥಿನಿಯರನ್ನು ಆಯ್ಕೆ ಮಾಡಲಾಗುತ್ತದೆ. 25 ವಿದ್ಯಾರ್ಥಿನಿಯರಿಗೆ ಬಿಎಸ್‌ಸಿ ನರ್ಸಿಂಗ್‌ ಹಾಗೂ ನರ್ಸಿಂಗ್‌ ಡಿಪ್ಲೊಮಾದಲ್ಲಿ 25 ವಿದ್ಯಾರ್ಥಿನಿಯರಿಗೆ ಉಚಿತವಾಗಿ ಶಿಕ್ಷಣ ನೀಡಲಾಗುವುದು.

ರಾಜ್ಯದ ಪ್ರತಿಷ್ಠಿತ ನರ್ಸಿಂಗ್‌ ಕಾಲೇಜುಗಳಲ್ಲೊಂದಾದ ನವೋದಯ ನರ್ಸಿಂಗ್‌ ಕಾಲೇಜು ನವೋದಯ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯೊಂದಿಗೆ ಸಹವರ್ತಿಯಾಗಿದೆ. ಈ ಕಾಲೇಜಿನಲ್ಲಿ ಶಿಕ್ಷಣ ಪೂರ್ಣಗೊಳಿಸಿದವರು ದೇಶ, ವಿದೇಶಗಳಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಶಿಷ್ಯವೇತನ ಅರ್ಜಿ ನಮೂನೆಗಳನ್ನು www.navodaya.edu.in ವೆಬ್‌ಸೈಟ್‌ನಲ್ಲಿ ಅಥವಾ ನೇರವಾಗಿ ನವೋದಯ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿ ವಿಭಾಗದಿಂದ ಪಡೆಯಬಹುದು ಎಂದು ತಿಳಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಸಂಸ್ಥೆಯ ಆಡಳಿತಾಧಿಕಾರಿ ದಾಸ್ ಪ್ರಕಾಶ ಅವರನ್ನು 9686534778 ಮೊಬೈಲ್‌ ಸಂಖ್ಯೆಗೆ ಸಂಪರ್ಕಿಸಬಹುದು. ಅರ್ಜಿ ಸಲ್ಲಿಸಲು ಆಗಸ್ಟ್‌ 30 ಕೊನೆಯ ದಿನ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !