ಮತದಾನ ಸ್ಥಗಿತ: ಮತದಾರರ ಪರದಾಟ

ಕಂಪ್ಲಿ ಕ್ಷೇತ್ರದ ಕಪ್ಪಗಲ್ಲು ಗ್ರಾಮದಲ್ಲಿ ಮತಯಂತ್ರ ಕೆಟ್ಟು, ಅದನ್ನು ಬದಲಾಯಿಸುವವರೆಗೂ ಮತದಾನ ನಡೆಯಲಿಲ್ಲ. ಸುಮಾರು ಒಂದು ಗಂಟೆಗೂ ಹೆಚ್ಚು ಕಾಲ ಇಲ್ಲಿ ನೂರಾರು ಮಹಿಳೆಯರು ಕಾಯುತ್ತಾ ಕುಳಿತಿದ್ದರು, ನಂತರ ಏರ್ಪಟ್ಟ ನೂಕು ನುಗ್ಗಲನ್ನು ನಿಯಂತ್ರಿಸಲು ಪೊಲೀಸರು ಮತ್ತು ಅರೆಸೇನಾ ಪಡೆ ಸಿಬ್ಬಂದಿ ಪರದಾಡಿದರು.

ಕುರುಗೋಡು ಸಮೀಪದ 116ನೇ ಮತಗಟ್ಟೆ ಹಾಗೂ ಗೆಣಕಹಾಳ್‌ ಗ್ರಾಮದ 98ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 10ರಿಂದ 11ರವರೆಗೆ, ಪಟ್ಟಣಸೆರಗು ಗ್ರಾಮದ 133ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 10.30 ರಿಂದ 12.00 ರವರೆಗೂ ಮತದಾನ ಸ್ಥಗಿತಗೊಂಡಿತ್ತು.

ದೇವಸಮುಂದ್ರದ 14ನೇ ಮತಗಟ್ಟೆಯಲ್ಲಿ ವಿವಿ ಪ್ಯಾಟ್‌ ಸ್ಥಗಿತಗೊಂಡು ಬೆಳಿಗ್ಗೆ 7ರಿಂದ 8ರವರೆಗೆ ನಂ.10ಮುದ್ದಾಪುರದಲ್ಲಿ ಬೆಳಿಗ್ಗೆ 11.55 ರಿಂದ ಮಧ್ಯಾಹ್ನ 1.15ರವರೆಗೆ ಮತದಾನ ನಡೆಯಲಿಲ್ಲ.

ಹೂವಿನಹಡಗಲಿ ಕ್ಷೇತ್ರದ ಕಂದಗಲ್ಲು ಗ್ರಾಮದ 15ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 8 ರಿಂದ 8.15ರವಗೆ ಹಗರಿಬೊಮ್ಮನಹಳ್ಳಿ ಕ್ಷೇತ್ರದ ಕೊಟ್ಟೂರು ಪಟ್ಟಣದಲ್ಲಿ 123ನೇ ಮತಗಟ್ಟೆಯ ವಿವಿ ಪ್ಯಾಟ್‌ ಬೆಳಿಗ್ಗೆ 11 ರಿಂದ 11.20ರವರೆಗೆ ಸ್ಥಗಿತವಾಗಿತ್ತು.

ರಾಯರಾಳತಾಂಡದ 91ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 11.30 ರಿಂದ 11.55 ರವರೆಗೆ ವಿವಿ ಪ್ಯಾಟ್‌ನಲ್ಲಿ ದೋಷ ಕಾಣಿಸಿಕೊಂಡಿತ್ತು.

ಜಿ.ನಾಗಲಾಪುರದ 61ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 7 ರಿಂದ 7.30ರವರೆಗೆ ಬ್ಯಾಲೆಟ್‌ ಯುನಿಟ್‌ನಲ್ಲಿ ಬಟನ್‌ ದೋಷ. ಗರಗ ಗ್ರಾಮದ 65ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 7. ರಿಂದ 7.15ರವರೆಗೆ ಮತಯಂತ್ರದಲ್ಲಿ ದೋಷ ಕಾಣಿಸಿಕೊಂಡಿತ್ತು.
ಕೂಡ್ಲಿಗಿ ಕ್ಷೇತ್ರದ ಸುಳದಹಳ್ಳಿಯ 139ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ
7 ರಿಂದ 7.45ರವರೆಗೆ ಮತಯಂತ್ರದಲ್ಲಿ ದೋಷ ಕಂಡು ಬಂದ ಪರಿಣಾಮ ತಡವಾಗಿ ಮತದಾನ ಆರಂಭ
ವಾಯಿತು.

ಸಂಡೂರು ಪಟ್ಟಣದ 62ನೇ ಮತಗಟ್ಟೆಯಲ್ಲಿ ಮತಯಂತ್ರ ಬೆಳಿಗ್ಗೆ 6.15 ರಿಂದ 6.45 ರವರೆಗೆ ಮತಯಂತ್ರದಲ್ಲಿ ದೋಷ ಕಾಣಿಸಿಕೊಂಡಿತ್ತು. ಕುಡಿತಿನಿ ಪಟ್ಟಣದ 165ರ ಮತಗಟ್ಟೆಯಲ್ಲಿ ಬೆಳಿಗ್ಗೆ 7.15ರಿಂದ 8.00ರವರೆಗೆ ವಿವಿ ಪ್ಯಾಟ್‌ನಲ್ಲಿ ದೋಷ ಕಾಣಿಸಿಕೊಂಡಿತ್ತು.

ವಿಜಯನಗರ ಕ್ಷೇತ್ರದ ಬಯಲು ವದ್ದಿಗೇರಿಯ 214ನೇ ಮತಗಟ್ಟೆಯಲ್ಲೂ ಸಂಜೆ 4ರ ವೇಳೆಗೆ ಅರ್ಧ ಗಂಟೆ ಮತದಾನ ಸ್ಥಗಿತಗೊಂಡಿತ್ತು.

ಕುಡಿತಿನಿ ಪಟ್ಟಣದ 150ನೇ ಮತಗಟ್ಟೆಯಲ್ಲಿ ವೀಲ್‌ ಚೇರ್‌ ಸೌಕರ್ಯ ಇಲ್ಲದ ಕಾರಣ ಬೇರೊಬ್ಬರ ಸಹಾಯ ಪಡೆದು ಅಂಗವಿಕಲರು ಮತದಾನ ಮಾಡಿದರು.