ಶಿರಸಿ: ಸ್ವಾತಂತ್ರ್ಯ ಹೋರಾಟಗಾರರಾಗಿದ್ದ ತಾಲ್ಲೂಕಿನ ಭೈರುಂಬೆಯ ಸೀತಾರಾಮ ಲಕ್ಷ್ಮಿನಾರಾಯಣ ಹೆಗಡೆ (94) ಭಾನುವಾರ ನಿಧನರಾದರು. ಅವರಿಗೆ ಐವರು ಪುತ್ರರು, ನಾಲ್ವರು ಪುತ್ರಿಯರು ಇದ್ದಾರೆ. 1935–36ರ ವೇಳೆಯಲ್ಲಿ ಹೋರಾಟದ ಮುಂಚೂಣಿಯಲ್ಲಿದ್ದ ನಾಯಕರ ನಡುವೆ ಕಾಗದ ಪತ್ರಗಳನ್ನು ಪರಸ್ಪರ ತಲುಪಿಸುತ್ತ, ಸೀತಾರಾಮ ಹೆಗಡೆ ಅಂಚೆಯಣ್ಣನಂತೆ ಕೆಲಸ ಮಾಡುತ್ತಿದ್ದರು. ಒಮ್ಮೆ ಪೊಲೀಸರು ಅವರನ್ನು ಬಂಧಿಸಿದ್ದರೂ, ಅಪ್ರಾಪ್ತ ಎಂಬ ಕಾರಣಕ್ಕೆ ಜೈಲಿಗೆ ಕಳುಹಿಸಿರಲಿಲ್ಲ.