4

ಚಿಣ್ಣರ ಕರೆಗೆ ಓಗೊಟ್ಟ ಮುಖ್ಯಮಂತ್ರಿ

Published:
Updated:

ಬೆಂಗಳೂರು: ‘ಸಿಎಂ ಸರ್... ಸಿಎಂ ಸರ್‌...’ ಹೀಗೆ ಚಿಣ್ಣರ ಕೂಗಿಗೆ ಕಿವಿಯಾದ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ, ಕಾರಿನಿಂದ ಇಳಿದು ಮಕ್ಕಳ ಅಹವಾಲು ಆಲಿಸಿದ್ದಲ್ಲದೇ, ಅಧಿಕಾರಿಗಳ ವಿರುದ್ಧ ರೇಗಿದರು.

ಚಿತ್ರದುರ್ಗ ತಾಲ್ಲೂಕಿನ ಆಲಘಟ್ಟ ಸರ್ಕಾರಿ ಪ್ರೌಢಶಾಲೆ ಸ್ಥಳಾಂತರ ವಿರೋಧಿಸಿ ಮನವಿ ಸಲ್ಲಿಸಲು ಅಲ್ಲಿಂದ ಬೆಂಗಳೂರಿಗೆ ಬಂದಿದ್ದ ಶಾಲೆ ಮಕ್ಕಳು ಹಾಗೂ ಪೋಷಕರು ಮುಖ್ಯಮಂತ್ರಿಯವರ ಜೆ.ಪಿ. ನಗರ ನಿವಾಸದ ಎದುರು ಕಾದು ಕುಳಿತಿದ್ದರು. ಆದರೆ, ಮುಖ್ಯಮಂತ್ರಿ ಅವರನ್ನು ಭೇಟಿಯಾಗಲು ಸಾಧ್ಯವಾಗಿರಲಿಲ್ಲ.

ನಿವಾಸದಿಂದ ವಿಧಾನಸೌಧದ ಕಡೆ ಹೊರಟಿದ್ದ ಕುಮಾರಸ್ವಾಮಿ ಮಕ್ಕಳನ್ನು ಗಮನಿಸಲಿಲ್ಲ. ಹೀಗಾಗಿ ಅಲ್ಲಿದ್ದ ಮಕ್ಕಳು ಸಿಎಂ ಸರ್ ಎಂದು ಜೋರಾಗಿ ಕೂಗಿದರು. ಮಕ್ಕಳ ಕೂಗು ಕೇಳಿದ ತಕ್ಷಣ ಕಾರಿನಿಂದ ಇಳಿದು ಬಂದು ಮಕ್ಕಳ ಮನವಿ ಸ್ವೀಕರಿಸಿದರು.

‘ಒಂದು ವಾರ ಸಮಯ ಕೊಡಿ’ ಎಂದು ಮಕ್ಕಳನ್ನು ಕೋರುತ್ತಲೇ, ಅಧಿಕಾರಿಗಳ ಕಡೆ ತಿರುಗಿದ ಮುಖ್ಯಮಂತ್ರಿ, ‘ಇನ್ನೂ ಮಕ್ಕಳ ಸಮಸ್ಯೆ ಆಲಿಸಿಲ್ಲವೇ? ಸ್ವಲ್ಪ ಅರ್ಥ ಮಾಡಿಕೊಂಡು ಕೆಲಸ ಮಾಡಿ. ನಾನು ಜನರನ್ನೇ ನೋಡುತ್ತಾ ಕುಳಿತರೆ ಆಡಳಿತ ನಡೆಸುವುದು ಹೇಗೆ. ನಾನು ಇದನ್ನೇ ಮಾಡುತ್ತಾ ಕುಳಿತುಕೊಳ್ಳಬೇಕಾ’ ಎಂದು ಆಕ್ರೋಶದಿಂದ ಪ್ರಶ್ನಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !