‘ಖಚಿತ ಮಾಹಿತಿ ಆಧರಿಸಿ ವಿಮಾನದ ಬಾಗಿಲಿನಲ್ಲೇ ಯುವಕನನ್ನು ವಶಕ್ಕೆ ಪಡೆಯಲಾಯಿತು. ತಪಾಸಣೆ ನಡೆಸಿದಾಗ ಆತನ ಪ್ಯಾಂಟ್ ಜೇಬಿನಲ್ಲಿ ಮೊಬೈಲ್ ರೂಪದ ತೂಕದ ವಸ್ತು ಪತ್ತೆಯಾಯಿತು. ಪ್ರಶ್ನಿಸಿದಾಗ, ‘ಅದು ಮೊಬೈಲ್’ ಎಂದು ಆತ ವಾದಿಸಿದ. ಬಿಚ್ಚಿ ಪರಿಶೀಲಿಸಿದಾಗ ಚೌಕಾಕಾರದ 15 ಚಿನ್ನದ ಗಟ್ಟಿಗಳನ್ನು ಅಡಗಿಸಿಟ್ಟು, ಅದರ ಮೇಲೆ ಇನ್ಸುಲೇಷನ್ ಟೇಪ್ಗಳನ್ನು ಸುತ್ತಿರುವುದು ಪತ್ತೆಯಾಯಿತು’ ಎಂದು ಡಿಆರ್ಐ ಮಂಗಳೂರು ವಿಭಾಗದ ಉಪ ನಿರ್ದೇಶಕ ವಿನಾಯಕ್ ಭಟ್ ತಿಳಿಸಿದ್ದಾರೆ.
