ಸುಮಾರು 20 ಮಕ್ಕಳು ಒಂದು ತಿಂಗಳು ಅಧ್ಯಯನ ನಡೆಸಿದ್ದಾರೆ. ಬಿಳೂರು, ಸುತ್ತಲಿನ ಮಾಳಂಜಿ, ಬಂಕನಾಳ, ಗೋಣೂರು, ಕೋಟೆಕೊಪ್ಪದಲ್ಲಿ 27 ಕೆರೆಗಳನ್ನು ಗುರುತಿಸಿದ್ದಾರೆ. ಕೆರೆಯ ಸನಿಹದ ಕೃಷಿ ಭೂಮಿ, ಮಾಲ್ಕಿ ಜಮೀನಿನಲ್ಲಿ 399ಕ್ಕೂ ಹೆಚ್ಚು ಕೊಳವೆ ಬಾವಿಗಳನ್ನು ಲೆಕ್ಕ ಹಾಕಿದ್ದಾರೆ. ಆರೆಂಟು ಕಿ.ಮೀ ವ್ಯಾಪ್ತಿಯಲ್ಲಿರುವ ಈ ಕೊಳವೆಬಾವಿಗಳ ಪೈಕಿ ಸದ್ಯಕ್ಕೆ 174ರಲ್ಲಿ ಮಾತ್ರ ನೀರು ಸಿಗುತ್ತಿದೆ. ಇನ್ನುಳಿದ 225 ಕೊಳವೆ ಬಾವಿಗಳು ವಿಫಲವಾಗಿವೆ ಎಂಬುದನ್ನು ದಾಖಲಿಸಿದ್ದಾರೆ.