ನಿಶ್ಚಿತ ಠೇವಣಿಯಲ್ಲಿ ₹134.56 ಕೋಟಿ ಇದ್ದು, ಪತ್ನಿಯ ಬಳಿ ₹32.40 ಕೋಟಿ ಇದೆ. 193 ಬ್ಯಾಂಕ್‌ ಖಾತೆಗಳನ್ನು ಹೊಂದಿದ್ದಾರೆ.ಅವರ ಸ್ಥಿರಾಸ್ತಿಗಳ ಪೈಕಿ ಕಲ್ಯಾಣ ಮಂಟಪಗಳು, ಶಿಕ್ಷಣ ಸಂಸ್ಥೆ, ಇಂದಿರಾ ನಗರ, ಮಗರತ್‌ ರಸ್ತೆ, ರಿಚ್ಮಂಡ್‌ ರಸ್ತೆಗಳಲ್ಲಿ ವಾಣಿಜ್ಯ ಸಂಕೀರ್ಣಗಳು ಸೇರಿವೆ. ವೈಟ್‌ಫೀಲ್ಡ್‌, ಕೆ.ಆರ್‌.ಪುರಂ, ಹೊಸಕೋಟೆ, ಮಹದೇವಪುರ, ಪುತ್ತೂರು, ಕೊಟ್ಟೂರಿನಲ್ಲಿ 93 ಕೃಷಿಯೇತರ ನಿವೇಶನ ಹೊಂದಿದ್ದಾರೆ. ₹2.54 ಕೋಟಿ ಮೌಲ್ಯದ ಐಷಾರಾಮಿ ಕಾರುಗಳನ್ನು ಹೊಂದಿದ್ದು, ಅದರಲ್ಲಿ ಪ್ರಡೊ, ಫಾರ್ಚುನರ್‌, ಬೆಂಜ್‌, ಬೊಲೇರೊ, ಲ್ಯಾಂಡ್‌ ರೋವರ್‌, ಹುಂಡೈ ಐ10 ಸೇರಿದೆ. ಅವರ ಪತ್ನಿಯ ಬಳಿ ₹1.72 ಕೋಟಿಯ ಪೋರ್ಶೆ ಕಾರು ಇದೆ.
