‘ಈ ಪ್ರದೇಶಗಳಿಗೆ ಬೆಳಗಾವಿ ಹಾಲು ಒಕ್ಕೂಟದ ವತಿಯಿಂದ ನಂದಿನಿ ಹಾಲು ಸರಬರಾಜಿಗೆ ಅಡಚಣೆ ಉಂಟಾಗುತ್ತಿದೆ. ಹೀಗಾಗಿ, ದೀರ್ಘ ಬಾಳಿಕೆ ಹಾಗೂ ಸಾಧಾರಣ ವಾತಾವರಣದಲ್ಲಿ ಇಡಬಹುದಾದ ‘ತೃಪ್ತಿ’ ಹಾಲನ್ನು ಪೂರೈಸಲಾಗುವುದು. 180 ಮಿ.ಲೀ. ₹ 10 ಮತ್ತು 450 ಮಿ.ಲೀ.ಗೆ ₹ 23 ದರದಲ್ಲಿ ಆಕಳು ಹಾಲು ಮತ್ತು ಇದೇ ಪ್ಯಾಕ್‌ನಲ್ಲಿ 500 ಮಿ.ಲೀ. ಎಮ್ಮೆ ಹಾಲಿಗೆ₹ 30 ದರ ನಿಗದಿಪಡಿಸಲಾಗಿದೆ.ಈ ಹಾಲು ನಿತ್ಯ ಸರಬರಾಜಾಗುವ ಹಾಲಿಗಿಂತಲೂ ಉತ್ಕೃಷ್ಟವಾಗಿದೆ. 137 ಡಿಗ್ರಿ ಸೆಲ್ಸಿಯಸ್‌ ತಾಪಮಾನದಲ್ಲಿ ಕಾಯಿಸಿ ತಕ್ಷಣವೆ ತಂಪುಗೊಳಿಸಿ ಫ್ಲೆಕ್ಸಿ ಪ್ಯಾಕ್ ಮಾಡಲಾಗುತ್ತದೆ. ಈ ಪ್ಯಾಕ್ 5 ಹಂತಗಳ ಸುರಕ್ಷಾಪದರ ಹೊಂದಿದೆ’ ಎಂದು ಮಾಹಿತಿ ನೀಡಿದೆ.
