ಹಾಡಿ ಮಂದಿಗೆ ದಿಮ್ಮಿಯೇ ಆಸರೆ!

ಮಂಗಳವಾರ, ಜೂನ್ 18, 2019
23 °C

ಹಾಡಿ ಮಂದಿಗೆ ದಿಮ್ಮಿಯೇ ಆಸರೆ!

Published:
Updated:
Prajavani

ಗೋಣಿಕೊಪ್ಪಲು: ಕಳೆದ ವರ್ಷ ಸಂಭವಿಸಿದ್ದ ಭೀಕರ ಜಲಪ್ರಳಯದ ಆತಂಕ ಕೊಡಗಿನ ಜನತೆಯನ್ನು ಇನ್ನೂ ಕಾಡುತ್ತಿದೆ. ಇದರ ಜೊತೆಗೆ, ಜಿಲ್ಲೆಯ ಕೆಲವು ಹಾಡಿಗಳಿಗೆ ಸಂಪರ್ಕ ಬೆಸೆಯುವ ತೊರೆ, ತೋಡುಗಳಿಗೆ ಇಂದಿಗೂ ಸೇತುವೆಯೇ ಇಲ್ಲ!

ಸೇತುವೆಯಿಲ್ಲದ ಕಡೆ ಜನರೇ ಮರದ ದಿಮ್ಮಿ ಹಾಕಿಕೊಂಡು ಸೇತುವೆ ನಿರ್ಮಿಸಿಕೊಂಡಿದ್ದರೆ, ಕೆಲವರು ಮರದ ದಿಮ್ಮಿ ಹಾಕಿ ಅದರ ಮೇಲೆ ತಂತಿ ಕಟ್ಟಿಕೊಂಡು ‘ಸರ್ಕಸ್‌’ ನಡೆಸುತ್ತಾರೆ.

ಬಾಳೆಲೆ ಸಮೀಪದ ತಟ್ಟೆಕೆರೆ ಹಾಡಿಯ ಮಧ್ಯದಲ್ಲಿ, ನಾಗರಹೊಳೆ ಅರಣ್ಯದ ದೊಡ್ಡದೊಂದು ತೋಡು ಹರಿದು ಹೋಗುತ್ತಿದೆ. ಮಳೆಗಾಲದಲ್ಲಿ ಬಹಳಷ್ಟು ನೀರು ಮೊರೆಯುತ್ತಾ ಮುನ್ನುಗ್ಗುತ್ತದೆ. ಇಂತಹ ಸಂದರ್ಭದಲ್ಲಿ ಇಲ್ಲಿನ ಜನರು ತಾವೇ ನಿರ್ಮಿಸಿಕೊಂಡಿರುವ ಮರದ ದಿಮ್ಮಿಯ ಸೇತುವೆ ಮೇಲೆ ಜೀವವನ್ನೇ ಪಣಕಿಟ್ಟು ದಾಟುತ್ತಾರೆ.

ದೊಡ್ಡವರಿಲ್ಲದ ವೇಳೆಯಲ್ಲಿ ಮಕ್ಕಳೇ ಮರದ ಸೇತುವೆ ದಾಟುತ್ತಾರೆ. ಇದು ಅಪಾಯಕ್ಕೆ ಆಹ್ವಾನ ನೀಡುವ ಸಾಧ್ಯತೆ ಇದೆ.

ಅದೇ ಸಮಸ್ಯೆ: ಪೊನ್ನಂಪೇಟೆ ಸಮೀಪದ ಕುಂದ ಬಸವೇಶ್ವರ ಗಿರಿಜನ ಹಾಡಿಯದ್ದು ಇದೇ ಸಮಸ್ಯೆ. ಇಲ್ಲಿಯೂ ದೊಡ್ಡದಾದ ತೋಡು ಮಳೆಗಾಲದಲ್ಲಿ ತುಂಬಿ ಹರಿಯುತ್ತದೆ.

ಇದಕ್ಕೆ ನೆಲಮಟ್ಟದಲ್ಲಿಯೇ ಸೇತುವೆ ನಿರ್ಮಿಸಲಾಗಿದೆ. ಮಳೆಗಾಲ ದಲ್ಲಿ ಸೇತುವೆ ಮೇಲೆಯೇ ನೀರು ಹರಿಯುತ್ತದೆ. ಕಾಂಕ್ರೀಟ್‌ನಿಂದ ನಿರ್ಮಿಸಿದ್ದ ಸೇತುವೆಯ ಒಂದುಬದಿ ಕುಸಿದು ಬಿದ್ದಿದೆ. ಇದಕ್ಕೆ ಕಲ್ಲು ಹಾಕಿ ಮಣ್ಣು ತುಂಬಿಸಲಾಗಿದೆ. ತೋಡಿನಲ್ಲಿ ನೀರು ಅತಿಯಾದರೆ ಮತ್ತೆ ಇದು ಕೊಚ್ಚಿಹೋಗುವ ಸಾಧ್ಯತೆಯಿದೆ ಎಂಬ ಆತಂಕ ಹಾಡಿಯ ವೈ.ಎಂ.ತಿಮ್ಮ ಅವರದ್ದು.

‘ಸೇತುವೆಯನ್ನು ಕನಿಷ್ಠ 6 ಅಡಿ ಎತ್ತರಕ್ಕೆ ಏರಿಸಬೇಕಿತ್ತು. ಆಗ ಎಷ್ಟು ಮಳೆ ಸುರಿದರೂ ತೊಂದರೆ ಆಗುತ್ತಿರಲಿಲ್ಲ. ಇದನ್ನು ಬಿಟ್ಟು ನೆಲಮಟ್ಟದಲ್ಲಿಯೇ ಕಾಂಕ್ರೀಟ್‌ ಹಾಕಿ ರಸ್ತೆಯಂತೆ ಮಾಡಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !