ಕುಂದಗೋಳ ಉಪಚುನಾವಣೆ: ದಾಖಲೆ ಇಲ್ಲದ ₹30 ಲಕ್ಷ ಹಣ ವಶ

ಕುಂದಗೋಳ ಉಪ ಚುನಾವಣೆ ಹಿನ್ನೆಲೆಯಲ್ಲಿ ಅಗಡಿ ಬಳಿ ಚೆಕ್‌ಪೋಸ್ಟ್ ಆರಂಭಿಸಾಗಿದೆ. ಸೋಮವಾರ ಸಂಜೆ ತಪಾಸಣೆ ವೇಳೆ ₹42 ಲಕ್ಷ ಪತ್ತೆಯಾಯಿತು. ಹಣ ಆ್ಯಕ್ಸಿಸ್ ಬ್ಯಾಂಕ್‌ಗೆ ಸೇರಿದ್ದು ಎಂದು ತಿಳಿಸಿದ ಅಧಿಕಾರಿಗಳು, ₹12 ಲಕ್ಷಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಮಾತ್ರ ಸ್ಥಳದಲ್ಲೇ ತೋರಿಸಿದರು. ಆದ್ದರಿಂದ ದಾಖಲೆ ಇಲ್ಲದ ₹30 ಲಕ್ಷವನ್ನು ಜಪ್ತಿ ಮಾಡಲಾಯಿತು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

₹30 ಲಕ್ಷಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಸಹ ಆ ನಂತರ ಒದಗಿಸಿದ್ದಾರೆ. ಆದರೆ ನಿಯಮದ ಪ್ರಕಾರ ಸಿಇಒ ನೇತೃತ್ವದ ಸಮಿತಿ ಮುಂದೆಯೇ ಮೇಲ್ಮನವಿ ಮಾಡಿ ಹಣವನ್ನು ವಾಪಸ್ ಪಡೆದುಕೊಳ್ಳಬೇಕು ಎಂದು ಅವರು ಮಾಹಿತಿ ನೀಡಿದರು.