ಗೋಲ್ಡ್ ಕೋಸ್ಟ್: ದಕ್ಷಿಣ ಆಫ್ರಿಕಾದ ಹೆನ್ರಿ ಶೊಯೆಮನ್ ಅವರು ಕಾಮನ್ವೆಲ್ತ್ ಕ್ರೀಡಾಕೂಟದ ಟ್ರಯಥ್ಲಾನ್ ಸ್ಪರ್ಧೆಯಲ್ಲಿ ಚಿನ್ನದ ಸಾಧನೆ ಮಾಡಿದರು.
ಗುರುವಾರ ನಡೆದ ಪುರುಷರ ವಿಭಾಗದ ಸ್ಪರ್ಧೆಯಲ್ಲಿ ಹೆನ್ರಿ 52 ನಿಮಿಷ 31 ಸೆಕೆಂಡುಗಳಲ್ಲಿ ಗುರಿ ಕ್ರಮಿಸಿದರು.
ಆಸ್ಟ್ರೇಲಿಯಾದ ಜೇಕಬ್ ಬರ್ತ್ವಿಷಲ್ ಅವರು ಈ ವಿಭಾಗದ ಬೆಳ್ಳಿ ತಮ್ಮದಾಗಿಸಿಕೊಂಡರು. ಜೇಕಬ್ 52 ನಿಮಿಷ 38 ಸೆಕೆಂಡುಗಳಲ್ಲಿ ಅಂತಿಮ ರೇಖೆ ಮುಟ್ಟಿದರು. ಸ್ಕಾಟ್ಲೆಂಡ್ನ ಮಾರ್ಕ್ ಆಸ್ಟಿನ್ (52:44ಸೆ.) ಕಂಚಿನ ಪದಕಕ್ಕೆ ಕೊರಳೊಡ್ಡಿದರು.
2016 ರಿಯೊ ಒಲಿಂಪಿಕ್ಸ್ನಲ್ಲಿ ಚಿನ್ನ ಗೆದ್ದಿದ್ದ ಇಂಗ್ಲೆಂಡ್ನ ಅಲಸ್ಟೇರ್ ಬ್ರೌನ್ಲೀ ಮತ್ತು ಜೊನಾಥನ್ ಬ್ರೌನ್ಲೀ ಅವರು ಕ್ರಮವಾಗಿ ಏಳು ಮತ್ತು 10ನೇ ಸ್ಥಾನಗಳೊಂದಿಗೆ ಸ್ಪರ್ಧೆ ಮುಗಿಸಿದರು.
ಡಫಿಗೆ ಚಿನ್ನ: ಮಹಿಳೆಯರ ವಿಭಾಗದಲ್ಲಿ ಬರ್ಮುಡಾದ ಫ್ಲೋರಾ ಡಫಿ ಚಿನ್ನ ಗೆದ್ದರು.
ಫ್ಲೋರಾ ಅವರು 56 ನಿಮಿಷ 50 ಸೆಕೆಂಡುಗಳಲ್ಲಿ ಗುರಿ ತಲುಪಿದರು. ಇಂಗ್ಲೆಂಡ್ನ ಜೆಸ್ಸಿಕಾ ಲಿಯರ್ಮಂತ್ ಬೆಳ್ಳಿ ತಮ್ಮದಾಗಿಸಿಕೊಂಡರು. ಅವರು 57 ನಿಮಿಷ 33 ಸೆಕೆಂಡುಗಳಲ್ಲಿ ಗುರಿ ಸೇರಿದರು.