ಕುಲಪತಿ ಮಲ್ಲಿಕಾ ಘಂಟಿ ಅಧಿಕಾರದ ಅವಧಿ ಮತ್ತೆ ವಿಸ್ತರಣೆ

‘ಫೆ. 9ರಿಂದ ಜಾರಿಗೆ ಬರುವಂತೆ ಕುಲಪತಿ ಘಂಟಿ ಅವರ ಅಧಿಕಾರದ ಅವಧಿಯನ್ನು ಒಂದು ತಿಂಗಳು ವಿಸ್ತರಿಸಿ ರಾಜ್ಯಪಾಲರು ಆದೇಶಿಸಿದ್ದಾರೆ. ಸೋಮವಾರ ಮಧ್ಯಾಹ್ನ ಆದೇಶ ಪ್ರತಿ ಕೈ ಸೇರಿದೆ’ ಎಂದು ಕುಲಸಚಿವ ಅಶೋಕಕುಮಾರ ರಂಜೇರೆ ‘ಪ್ರಜಾವಾಣಿ’ಗೆ ತಿಳಿಸಿದರು.

ಇದರೊಂದಿಗೆ ಮೂರನೇ ಬಾರಿಗೆ ಘಂಟಿ ಅವರ ಅಧಿಕಾರದ ಅವಧಿ ವಿಸ್ತರಣೆಗೊಂಡಿದೆ.

2018ರ ಸೆ.8ರಂದು ಘಂಟಿ ಅವರ ಅಧಿಕಾರಾವಧಿ ಪೂರ್ಣಗೊಂಡಿತ್ತು. ನಂತರ ರಾಜ್ಯಪಾಲರು ನಾಲ್ಕು ತಿಂಗಳವರೆಗೆ ವಿಸ್ತರಣೆ ಮಾಡಿದ್ದರು. ಆ ಅವಧಿ ಜ.7ರಂದು ಕೊನೆಗೊಂಡಿತ್ತು. ಮತ್ತೆ, ಜ.9ರಿಂದ ಅನ್ವಯವಾಗುವಂತೆ ಒಂದು ತಿಂಗಳ ಕಾಲ ಸೇವಾ ಅವಧಿ ವಿಸ್ತರಿಸಿ ರಾಜ್ಯಪಾಲರು ಆದೇಶಿಸಿದ್ದರು. ಅದು ಫೆ. 8ಕ್ಕೆ ಕೊನೆಗೊಂಡಿತ್ತು.