ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕರ್ಣಾಟಕ ಬ್ಯಾಂಕ್‌ ಹೊಸ ಮೈಲುಗಲ್ಲು

Last Updated 2 ಏಪ್ರಿಲ್ 2018, 19:33 IST
ಅಕ್ಷರ ಗಾತ್ರ

ಮಂಗಳೂರು: ‘ಕರ್ಣಾಟಕ ಬ್ಯಾಂಕ್ 2017-18ರ ಆರ್ಥಿಕ ವರ್ಷದಲ್ಲಿ ₹1.10ಲಕ್ಷ ಕೋಟಿಯ ಮೈಲುಗಲ್ಲನ್ನು ದಾಟಿ, ಹೊಸ ವಿಕ್ರಮ ಸಾಧಿಸಿದೆ’ ಎಂದು ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ, ಸಿಇಒ ಮಹಾಬಲೇಶ್ವರ ಎಂ.ಎಸ್. ಹೇಳಿದರು.

2018-19 ನೇ ಆರ್ಥಿಕ ವರ್ಷದ ಮೊದಲ ದಿನವಾದ ಸೋಮವಾರ ಬ್ಯಾಂಕ್‌ನ ಪ್ರಧಾನ ಕಚೇರಿಯಲ್ಲಿ  ಸಿಬ್ಬಂದಿ ಮತ್ತು ಹಾಗೂ ಅಧಿಕಾರಿಗಳನ್ನು ಉದ್ದೇಶಿಸಿ ಅವರು ಮಾತನಾಡಿದರು.

‘ಬ್ಯಾಂಕ್‌ನ ಒಟ್ಟು ಠೇವಣಿಯು ₹62,876 ಕೋಟಿ ಹಾಗೂ ಒಟ್ಟು ಮುಂಗಡವು ₹47,564 ಕೋಟಿ ತಲುಪಿದ್ದು, ಬ್ಯಾಂಕಿನ ಒಟ್ಟು ವ್ಯವಹಾರವು ₹1,10,440 ಕೋಟಿ ತಲುಪಿದೆ’ ಎಂದರು.

‘ಒಟ್ಟು ಮುಂಗಡ ಮತ್ತು ಠೇವಣಿಯ ಅನುಪಾತವು ಶೇ 75.65 ತಲುಪಿ ಹೊಸ ದಾಖಲೆಯನ್ನು ನಿರ್ಮಿಸಿದೆ. ಬ್ಯಾಂಕು ಶೇ 17.82 ದರದಲ್ಲಿ ವ್ಯವಹಾರದ ವೃದ್ಧಿಯನ್ನು ಹೊಂದಿರುವುದು ಈ ಹೊಸ ಸಾಧನೆಗೆ ಕಾರಣವಾಗಿದೆ. ಮುಂಬರುವ ದಿನಗಳಲ್ಲಿ ಪ್ರತಿಯೊಂದು ಶಾಖೆಯು ಗರಿಷ್ಠ ವಹಿವಾಟನ್ನು ಹೊಂದಿ, ಈ ಆರ್ಥಿಕ ವರ್ಷದಲ್ಲಿ ಒಟ್ಟು ₹1.30ಲಕ್ಷ ಕೋಟಿಗಳ ವಹಿವಾಟನ್ನು ತಲುಪುವ ಗುರಿ ಹೊಂದಿದೆ. ಇದಕ್ಕೆ ಅನುಗುಣವಾಗಿ ಬ್ಯಾಂಕ್‌ ದೇಶದಾದ್ಯಂತ ಇನ್ನೂ 35 ಹೊಸ ಶಾಖೆಗಳನ್ನು ಪ್ರಾರಂಭಿಸಿ 835 ಶಾಖೆಗಳ ಗುರಿ ತಲುಪಲಿದೆ’ ಎಂದು ತಿಳಿಸಿದರು.

‘ನಮ್ಮ ಈ ಹೊಸ ಸಾಧನೆಯು ಸಂತೃಪ್ತಿಯನ್ನು ತಂದಿದ್ದು, ನಮ್ಮಲ್ಲಿ ಮತ್ತಷ್ಟು ಹೊಸ ಚೈತನ್ಯವನ್ನು ಮೂಡಿಸಿದೆ. ಮುಂಬರುವ ದಿನಗಳಲ್ಲಿ ಇನ್ನೂ ಹೆಚ್ಚಿನ ಪರಿಶ್ರಮದೊಂದಿಗೆ ದೇಶದ ಆರ್ಥಿಕ ಪ್ರಗತಿಯಲ್ಲಿ ಭಾಗಿಯಾಗಲಿದ್ದೇವೆ’ ಎಂದು ಹೇಳಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT