ತಾಲ್ಲೂಕಿನಲ್ಲಿ ಒಟ್ಟು 405 ಗ್ರಾಮಗಳಿದ್ದು, 2.70 ಲಕ್ಷ ಜನಸಂಖ್ಯೆಯಿದೆ. 130ಕ್ಕೂ ಹೆಚ್ಚು ಕೆರೆಗಳಿವೆ. ಅವುಗಳ ಪೈಕಿ 90ಕ್ಕೂ ಹೆಚ್ಚು ಕೆರೆಗಳು ಬತ್ತಿವೆ. ಪಕ್ಕದಲ್ಲಿ ಹೇಮಾವತಿ ಜಲಾಶಯವಿದ್ದರೂ, ಮಳೆಯಾಗದೇ ನೀರಿನ ಕೊರತೆ ಉಂಟಾಗಿದೆ. ಗಂಗನಹಳ್ಳಿ, ಕೊಟಗಹಳ್ಳಿ, ನಾಗರಘಟ್ಟ, ಹಳೇ ನಂದಿಪುರ, ಯಗಚಗುಪ್ಪೆ, ಭೈರಾಪುರದಲ್ಲಿ ಖಾಸಗಿ ಕೊಳವೆಬಾವಿಗಳಿಂದ ನೀರು ವಿತರಣೆ ಮಾಡಲಾಗುತ್ತಿದೆ. ಹೊಸಹಳ್ಳಿ ಗ್ರಾಮಕ್ಕೆ ಟ್ಯಾಂಕರ್ ಮೂಲಕ ನೀರು ಸರಬರಾಜು ಮಾಡಲಾಗುತ್ತಿದೆ. ಕ್ಷೇತ್ರದಲ್ಲಿ ಒಟ್ಟು 428 ಕೊಳವೆಬಾವಿಗಳಿದ್ದು, 112 ಕೆಟ್ಟು ಹೋಗಿವೆ. 682 ಕುಡಿಯುವ ನೀರಿನ ತೊಂಬೆಗಳಿದ್ದು, 210 ಹಾಳಾಗಿವೆ.