ಈ ಬಾರಿ ಮುಂಗಾರು ಮಳೆ ಕೊರತೆಯಾಗದು: ಸ್ಕೈಮೆಟ್‌

ಹವಾಮಾನಕ್ಕೆ ಸಂಬಂಧಿಸಿದ ಮಾಹಿತಿ ಹಾಗೂ ದತ್ತಾಂಶ ಸಂಗ್ರಹ ಕೆಲಸ ಪ್ರಗತಿಯಲ್ಲಿದ್ದು,ಇಷ್ಟು ಮೊದಲೇ ಖಚಿತವಾದ ಅಂಕಿ–ಅಂಶಗಳನ್ನು ನೀಡಲಾಗದು ಎಂದು ಸಂಸ್ಥೆ ತಿಳಿಸಿದೆ.

ಪ್ರತಿ ವರ್ಷ ಮಾರ್ಚ್ 15 ಹಾಗೂ ಏಪ್ರಿಲ್ 15ರಂದು ಸಂಸ್ಥೆಯು ಮುಂಗಾರು ಮಾರುತಗಳ ಮುನ್ಸೂಚನೆಯನ್ನು ನೀಡುತ್ತದೆ. ಈ ಬಾರಿಯೂ ನಿಗದಿತ ದಿನದಂದೇ ಹವಾಮಾನ ಮಾಹಿತಿ ಹೊರಬೀಳಲಿದೆ. ಸ್ಕೈಮೆಟ್‌ ಸಂಸ್ಥೆಯು 2012ರಿಂದಲೂ ಹವಾಮಾನ ಮುನ್ಸೂಚನೆ ನೀಡುತ್ತಿದೆ.

ಎಲ್‌ನಿನೊ ಕಡಿಮೆ: ಮುಂಗಾರು ಮಾರುತಗಳ ಮೇಲೆ ಪ್ರಭಾವ ಬೀರುವ ಎಲ್‌ನಿನೊ ವಿದ್ಯಮಾನ ಈ ಬಾರಿಯೂ ಸುದ್ದಿಯಲ್ಲಿದೆ. ಡಿಸೆಂಬರ್‌ ತಿಂಗಳಿನವರೆಗೂ ಎಲ್‌ನಿನೊ ಏರುಗತಿಯಲ್ಲಿತ್ತು. ಆದರೆ ಆ ಬಳಿಕ ಉಷ್ಣಾಂಶ ಸತತವಾಗಿ ಕುಸಿತ ಕಾಣುತ್ತಿದೆ. ಈ ಬಾರಿಯದ್ದು ಕಡಿಮೆ ಪ್ರಭಾವದ ಎಲ್‌ನಿನೊವರ್ಷವಾಗಲಿದೆ. ಈಗಿನ ವಿದ್ಯಮಾನವನ್ನು ಗಮನಿಸಿದರೆ, ಬರ ಆವರಿಸುವುದಿಲ್ಲ ಎಂದು ಖಚಿತವಾಗಿ ಹೇಳಬಹುದು. ಆದರೆ ಭಾರಿ ಮಳೆ ಸುರಿಯುತ್ತದೆ ಎಂದೂ ಅರ್ಥವಲ್ಲ ಎಂದು ಸಂಸ್ಥೆ ಅಭಿಪ್ರಾಯಪಟ್ಟಿದೆ.

***

ಮುಂಗಾರು ಆರಂಭದ ಹೊತ್ತಿಗೆ ಎಲ್‌ನಿನೊ ಶೇ 50ರಷ್ಟು ಕಡಿಮೆಯಾಗಲಿದೆ. ಆ ಬಳಿಕ ಕ್ರಮೇಣ ಇಳಿಕೆಯಾಗಲಿದೆ
–ಜತಿನ್ ಸಿಂಗ್, ಸ್ಕೈಮೆಟ್ ಎಂ.ಡಿ