7

ಮೇಯರ್‌ ‘ಬೋನಸ್‌’ ಅವಧಿಗೆ ಸರ್ಕಾರ ಅಸ್ತು

Published:
Updated:
ಮೇಯರ್‌ ಶರಣಕುಮಾರ ಮೋದಿ

ಕಲಬುರ್ಗಿ: ಕಲಬುರ್ಗಿ ಮಹಾನಗರ ಪಾಲಿಕೆಯ ಮೇಯರ್‌ ಶರಣಕುಮಾರ ಮೋದಿ, ಉಪ ಮೇಯರ್‌ ಪುತಲಿ ಬೇಗಂ ಹಾಗೂ ವಿವಿಧ ಸ್ಥಾಯಿ ಸಮಿತಿಗಳ ಅಧ್ಯಕ್ಷರ ‘ಬೋನಸ್‌ ಅವಧಿ’ಗೆ ಸರ್ಕಾರ ಅಸ್ತು ಎಂದಿದೆ.

ಸಾಮಾನ್ಯವಾಗಿ ಈ ಎಲ್ಲರ ಅಧಿಕಾರ ಅವಧಿ ಒಂದು ವರ್ಷ. ಒಂದು ವರ್ಷದ ಅವಧಿ ಪರಿಗಣಿಸಿದರೆ ಏಪ್ರಿಲ್‌ 13ರಂದು ಇವರ ಅವಧಿ ಕೊನೆಗೊಳ್ಳಬೇಕಿತ್ತು. ಆದರೆ, ಮಹಾನಗರ ಪಾಲಿಕೆಯ ಮೇಯರ್‌–ಉಪ ಮೇಯರ್‌ ಹುದ್ದೆಗೆ ಸರ್ಕಾರ ನಿಗದಿಪಡಿಸಿದ್ದ ಮೀಸಲಾತಿ ಪ್ರಶ್ನಿಸಿ ಕೆಲ ಸದಸ್ಯರು ನ್ಯಾಯಾಲಯದ ಮೊರೆ ಹೋದ ಕಾರಣ ಕಾನೂನಿನಲ್ಲಿಯ ಅವಕಾಶ ಬಳಸಿಕೊಂಡು ಇವರೆಲ್ಲ ತಮ್ಮ ಹುದ್ದೆಯಲ್ಲಿ ಮುಂದುವರೆದಿದ್ದರು.

ಇವರ ಅಧಿಕಾರದ ಅವಧಿಯ ಕುರಿತು ಮಹಾನಗರ ಪಾಲಿಕೆಯ ಅಧಿಕಾರಿಗಳು ಮಾರ್ಗದರ್ಶನ ಕೋರಿ ಸರ್ಕಾರಕ್ಕೆ ಪತ್ರ ಬರೆದಿದ್ದರು. ‘ಕಾರಣಾಂತರಗಳಿಂದ ಹೊಸ ಅವಧಿಗೆ ಮೇಯರ್‌/ ಉಪ ಮೇಯರ್‌ ಚುನಾವಣೆ ಸಾಧ್ಯವಾಗದಿದ್ದ ಸಂದರ್ಭದಲ್ಲಿ ಹೊಸ ಅವಧಿಗೆ ಮೇಯರ್‌/  ಉಪ ಮೇಯರ್‌ ಹಾಗೂ ಸ್ಥಾಯಿ ಸಮಿತಿ ಅಧ್ಯಕ್ಷರನ್ನು ಚುನಾಯಿಸುವವರೆಗೆ ಹಾಲಿ ಇರುವ  ಮೇಯರ್‌/ ಉಪ ಮೇಯರ್‌ ತಾವು ಹೊಂದಿರುವ ಹುದ್ದೆಯಲ್ಲಿಯೇ ಮುಂದುವರೆಯಲು ಅವಕಾಶ ಇದೆ’ ಎಂದು ಸರ್ಕಾರ ಜುಲೈ 6ರಂದು ಪತ್ರ ಬರೆದು ನಿರ್ದೇಶನ ನೀಡಿದೆ.

ಸರ್ಕಾರದ ಈ ನಿರ್ಧಾರವನ್ನು ಮೇಯರ್‌ ಶರಣಕುಮಾರ ಮೋದಿ ಸ್ವಾಗತಿಸಿದ್ದಾರೆ.

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !