ರಾಜ್ಯಕ್ಕೆ ಕರಾಳ ದಿನ: ಡಿ.ಕೆ.ಶಿವಕುಮಾರ್‌

7

ರಾಜ್ಯಕ್ಕೆ ಕರಾಳ ದಿನ: ಡಿ.ಕೆ.ಶಿವಕುಮಾರ್‌

Published:
Updated:

ಬಳ್ಳಾರಿ: ‘ಮಹಾದಾಯಿ ಕುರಿತು ನ್ಯಾಯಮಂಡಳಿ ನೀಡಿರುವ ತೀರ್ಪು ರಾಜ್ಯಕ್ಕೆ ಕರಾಳ ದಿನವನ್ನು ಕೊಟ್ಟಿದೆ’ ಎಂದು ಉಸ್ತುವಾರಿ ಸಚಿವ ಡಿ.ಕೆ.ಶಿವಕುಮಾರ್‌ ಅಭಿಪ್ರಾಯಪಟ್ಟರು.

‘ರಾಜ್ಯಕ್ಕೆ 36 ಟಿಎಂಸಿ ನೀರು ಕೇಳಿದ್ದು, ಕೇವಲ 13.42 ಟಿಎಂಸಿಯಷ್ಟೇ ದೊರಕಿದೆ. 7.5 ಟಿಎಂಸಿ ಕುಡಿಯುವ ನೀರಿನ ಬದಲು ಕೇವಲ 3.9 ಟಿಎಂಸಿಯಷ್ಟನ್ನೇ ನಿಗದಿ ಮಾಡಲಾಗಿದೆ’ ಎಂದು ನಗರದ ಕಾಂಗ್ರೆಸ್‌ ಕಚೇರಿಯಲ್ಲಿ ಮಂಗಳವಾರ ರಾತ್ರಿ ಸುದ್ದಿಗೋಷ್ಠಿಯಲ್ಲಿ ಅಸಮಾಧಾನ ವ್ಯಕ್ತಪಡಿಸಿದರು.

‘ರಾಮದುರ್ಗ, ಬೈಲಹೊಂಗಲ, ಸವದತ್ತಿ ಕೆರೆ ತುಂಬಿಸುವ ಸಲುವಾಗಿ ೭ಟಿಎಂಸಿ ನೀರು ಬಿಡುವಂತೆ ಕೋರಿದರೂ, ನ್ಯಯಮಂಡಳಿ ಒಪ್ಪಿಗೆ ನೀಡಿಲ್ಲ. ಮಹದಾಯಿ ಜಲಾಶಯದಲ್ಲಿ 188 ಟಿಎಂಸಿ ನೀರು ಸಂಗ್ರಹ ಸಾಮಾರ್ಥ್ಯವಿರುವ ಬಗ್ಗೆ ಒಪ್ಪಿದ್ದರರೂ ಜಲಾಶಯದಲ್ಲಿ ನೀರು ಇದ್ದರೂ ಬಳಕೆಗೆ ಅವಕಾಶ ಸಿಗದೆ ರಾಜ್ಯಕ್ಕೆ ಅನ್ಯಾಯವಾಗಿದೆ’ ಎಂದು ವಿಷಾದಿಸಿದರು.

‘ತೀರ್ಪಿನ ಬಗ್ಗೆ ವಿರೋಧ ಪಕ್ಷಗಳು ಸಂತಸ ವ್ಯಕ್ತಪಡಿಸುತ್ತಿದ್ದು, ನಿಜ ಸಂಗತಿಯನ್ನು ಮನವರಿಕೆ ಮಾಡಿಕೊಡುವ ಕೆಲಸವಾಗಬೇಕು. ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ತೀರ್ಪಿನ ಬಗ್ಗೆ ರಾಜಕೀಯದ ಮಾತುಗಳನ್ನಾಡುತ್ತಿದ್ದಾರೆ. ಅವರಿಗೆ ತೀರ್ಪಿನ ಬಗ್ಗೆ ಸಂಪೂರ್ಣ ಮಾಹಿತಿಯಿಲ್ಲ’ ಎಂದರು.

‘ಉತ್ತರ ಕರ್ನಾಟಕದ ಜನರಿಗೆ ಮತ್ತು ರೈತರಿಗೆ ನೀರಿನ ವಿಷಯದಲ್ಲಿ ಭಾರೀ ಅನ್ಯಾಯವಾಗಿದೆ. ರಾಜ್ಯದ ಜನರ ಪರವಾಗಿ ರಾಜ್ಯ ಸರ್ಕಾರ ಕಾನೂನು ಹೋರಾಟ ಮುಂದುವರಿಸಲಿದೆ. ರಾಜ್ಯಕ್ಕೆ ನ್ಯಾಯ ಒದಗಿಸಿಕೊಡುವಲ್ಲಿ ಕೇಂದ್ರ ಸರ್ಕಾರವೂ ವಿಫಲವಾಗಿದೆ’ ಎಂದರು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !