ಬಾಗಲಕೋಟೆ: ‘ಜೆಡಿಎಸ್‌ ಕಾರ್ಯಕರ್ತನ ಕೊಲೆ ಆರೋಪಿಗಳನ್ನು ಗುಂಡಿಕ್ಕಿ ಕೊಲ್ಲಿ ಎಂದು ಮುಖ್ಯಮಂತ್ರಿ ಕುಮಾರಸ್ವಾಮಿ ಕಟ್ಟಾಜ್ಞೆ ಮಾಡುತ್ತಾರೆ. ಆದರೆ, ಅದೇ 22 ಮಂದಿ ಹಿಂದೂ ಯುವಕರು ಕೊಲೆಯಾದಾಗ ಏಕೆ ಆ ರೀತಿ ಅವರು ಹೇಳಿರಲಿಲ್ಲ’ ಎಂದು ಶಾಸಕ ಕೆ.ಎಸ್‌.ಈಶ್ವರಪ್ಪ ಪ್ರಶ್ನಿಸಿದರು.
‘ಹಿಂದೂ ಯುವಕರ ಕೊಲೆಗೊಂದು ನ್ಯಾಯ, ಜೆಡಿಎಸ್‌ ಕಾರ್ಯಕರ್ತನ ಕೊಲೆಗೊಂದು ನ್ಯಾಯವೇ? ಇಷ್ಟಕ್ಕೂ ಮುಖ್ಯಮಂತ್ರಿ, ಗೂಂಡಾಗಳ ರೀತಿ ಶೂಟೌಟ್‌ ಮಾಡಿ ಎಂದು ಹೇಳಿದ್ದು ಸರಿಯಲ್ಲ’ ಎಂದು ಅವರು ಸುದ್ದಿಗಾರರಿಗೆ ತಿಳಿಸಿದರು.
‘ಸುಳ್ಳು ಹೇಳುವ ಹುಚ್ಚು ಹೆಚ್ಚಿದೆ’ (ಕಗ್ಗೋಡ/ವಿಜಯಪುರ): ‘ಕುಮಾರಸ್ವಾಮಿ, ಸಿದ್ದರಾಮಯ್ಯ ಅವರಿಗೆ ಇತ್ತೀಚೆಗೆ ಸುಳ್ಳು ಹೇಳುವ ಹುಚ್ಚು ಹೆಚ್ಚುತ್ತಿದೆ. ಒಂದೊಂದು ಕಡೆ ಒಂದೊಂದು ಹೇಳಿಕೆ ನೀಡುತ್ತಿದ್ದಾರೆ’ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
