ವಾಷಿಂಗ್ಟನ್‌: ’ಇಸ್ರೇಲ್‌ನಲ್ಲಿರುವ ಗ್ವಾಟೆಮಾಲಾದ ರಾಯಭಾರ ಕಚೇರಿಯನ್ನು ಮೇ ತಿಂಗಳಲ್ಲಿ ಜೆರುಸಲೇಂಗೆ ಸ್ಥಳಾಂತರಿಸಲಾಗುವುದು’ ಎಂದು ಅಧ್ಯಕ್ಷ ಜಿಮ್ಮಿ ಮೊರಾಲಿಸ್ ಹೇಳಿದ್ದಾರೆ.
ಅಮೆರಿಕನ್‌ ಇಸ್ರೇಲ್‌ ಸಾರ್ವಜನಿಕ ವ್ಯವಹಾರಗಳ ಸಮಿತಿಯ(ಎಐಪಿಎಸಿ) ವಾರ್ಷಿಕ ಸಮಾವೇಶದಲ್ಲಿ ಮಾತನಾಡಿದ ಜಿಮ್ಮಿ ಮೊರಾಲಿಸ್, ‘ಇದೊಂದು ಮಹತ್ವದ ತೀರ್ಮಾನ. ನಾವು ಜೆರುಸಲೇಂ ಅನ್ನು ಇಸ್ರೇಲ್‌ನ ರಾಜಧಾನಿಯಾಗಿ ಗುರುತಿಸುತ್ತೇವೆ’ ಎಂದು ಹೇಳಿದ್ದಾರೆ.
‘ರಾಯಭಾರ ಕಚೇರಿಯನ್ನು ಶಾಶ್ವತವಾಗಿ ಜೆರುಸಲೇಂನಲ್ಲೇ ಸ್ಥಾಪಿಸಲಿದ್ದೇವೆ. ಈ ನಿಟ್ಟಿನಲ್ಲಿ ಮಾರ್ಗದರ್ಶನ ನೀಡಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರಿಗೆ ಧನ್ಯವಾದಗಳು’ ಎಂದಿದ್ದಾರೆ.
ರಾಯಭಾರ ಕಚೇರಿಯನ್ನು ಜೆರುಸಲೇಂಗೆ ಸ್ಥಳಾಂತರಿಸುವ ಕುರಿತು ಟ್ರಂಪ್‌ ಅವರು ಡಿಸೆಂಬರ್‌ ತಿಂಗಳಲ್ಲಿ ತೀರ್ಮಾನ ಪ್ರಕಟಿಸಿದಾಗ ವ್ಯಾಪಕ ಟೀಕೆಗಳು ವ್ಯಕ್ತವಾಗಿದ್ದವು.
