ಗುಟ್ಟಾಗಿ ಮದುವೆಯಾಗಿದ್ದ ಬಾಲಿವುಡ್‌ ನಟಿ ನೇಹಾ ಧೂಪಿಯಾ ಇದ್ದಕ್ಕಿದ್ದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಮದುವೆ ಚಿತ್ರಗಳನ್ನು ಹರಿಬಿಟ್ಟು ಬಾಲಿವುಡ್‌ ಮಂದಿಯಲ್ಲಿ ಅಚ್ಚರಿ ಮೂಡಿಸಿದ್ದಾರೆ.
ಬಾಲಿವುಡ್‌ ನಟ ಹಾಗೂ ಗೆಳೆಯ ಅಂಗದ್‌ ಸಿಂಗ್‌ ಜತೆ ದೆಹಲಿಯಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಸಿರುವ ಧೂಪಿಯಾ ತಮ್ಮ ಮದುವೆ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
‘ಇದು ನನ್ನ ಜೀವನದ ಅತ್ಯುತ್ತಮ ನಿರ್ಧಾರ. ಈ ದಿನ ನಾನು ನನ್ನ ಉತ್ತಮ ಗೆಳೆಯನನ್ನು ಮದುವೆಯಾಗಿದ್ದೀನಿ. ಹೆಲೋ ಇಲ್ಲಿದ್ದಾರೆ ನನ್ನ ಪತಿ’ ಎಂದು ತಮ್ಮ ಮದುವೆ ಚಿತ್ರಕ್ಕೆ ಅಡಿ ಬರಹವನ್ನೂ ನೀಡಿದ್ದಾರೆ.
