ಪರಪ್ಪನ ಅಗ್ರಹಾರಕ್ಕೆ ರಾಮನಗರ ಜೈಲು ಖೈದಿಗಳ ಸ್ಥಳಾಂತರ

10 ಬಿಎಂಟಿಸಿ ಬಸ್ ಹಾಗೂ‌ ನಾಲ್ಕು ಕೆ ಎಸ್ ಆರ್ ಪಿ‌ ವಾಹನಗಳಲ್ಲಿ ಖೈದಿಗಳನ್ನು ಕರೆದೊಯ್ಯಲು ವ್ಯವಸ್ಥೆ ಮಾಡಲಾಯಿತು. ಪ್ರತಿ ಬಸ್ ಗೆ 18-20 ಮಂದಿಯನ್ನಷ್ಟೇ ಕೂರಿಸುವ ಮೂಲಕ ಅಂತರ ಕಾಯ್ದುಕೊಳ್ಳಲಾಯಿತು. 90ಕ್ಕೂ ಹೆಚ್ಚಿನ ಪೊಲೀಸರು ಭದ್ರತೆ‌ ಒದಗಿಸಿದ್ದರು. ಇವರ ಸ್ಥಳಾಂತರಕ್ಕಾಗಿ ಬೆಂಗಳೂರು- ಮೈಸೂರು ಹೆದ್ದಾರಿಯಲ್ಲಿ ಝಿರೋ ಟ್ರಾಫಿಕ್ ವ್ಯವಸ್ಥೆ‌ ಮಾಡಲಾಗಿತ್ತು.

ಎಸ್ಪಿ ಗರಂ: ಖೈದಿಗಳ ಕೈಗೆ ಬೇಡಿ ತೊಡಿಸದ್ದಕ್ಕೆ ರಾಮನಗರ ಎಸ್ಪಿ ಅನೂಪ್ ಶೆಟ್ಟಿ ಜೈಲು ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರು. ಸ್ಥಳಾಂತರದ ಸಂದರ್ಭ ಯಾರಾದರೂ ತಪ್ಪಿಸಿಕೊಂಡರೆ ಯಾರು ಹೊಣೆ ಎಂದು ಪ್ರಶ್ನಿಸಿದರು. ಅಷ್ಟರಲ್ಲಿ‌ ಆಗಲೇ ಒಂದು ಬಸ್ ಹೊರಟಿತ್ತು. ಅದನ್ನೂ ವಾಪಸ್ ಕರೆಸಿಕೊಂಡು ಎಲ್ಲರಿಗೂ ಕೈಕೋಳ ಹಾಕಿ ಕಳುಹಿಸಲಾಯಿತು.