ಅಕ್ಕ ನನ್ನನ್ನು ಕರೆದು ‘ಅಡುಗೆ ಮನೆಯಲ್ಲಿ ಕಪಾಟಿನಲ್ಲಿ ಕಡಲೆಹಿಟ್ಟು, ಈರುಳ್ಳಿ ಎಲ್ಲಾ ಇದೆ. ಈ ದಿನ ನೀನೇ ಪಕೋಡ ಮಾಡು’ ಎಂದು ಹೇಳಿದಳು. ನಾನು ಅವಳು ಹೇಳಿದಂತೆ ಅಡುಗೆ ಮನೆಗೆ ಹೋಗಿ ಕಡಲೆಹಿಟ್ಟು, ಈರುಳ್ಳಿ ಚಿಕ್ಕದಾಗಿ ಕತ್ತರಿಸಿ, ಮಿಶ್ರ ಮಾಡಿದೆ. ನಂತರ ಬಾಣಲಿಗೆ ಎಣ್ಣೆ ಹಾಕಿ, ಪಕೋಡ ಕರಿದೆ. ಅಕ್ಕನನ್ನು ಕರೆದೆ. ಅಕ್ಕ ಒಳಬಂದು, ತಟ್ಟೆಗೆ ಪಕೋಡ ಹಾಕಿಕೊಂಡು ಭಾವನಿಗೆ ಕೊಟ್ಟು ಬಂದಳು. ಭಾವ ಪಕೋಡವನ್ನು ತಿಂದಿದ್ದೇ, ಹಾಗೇ ಮುಖ ಕಿವುಚಿಕೊಂಡು ಪಕೋಡವನ್ನು ಉಗುಳಿಯೇ ಬಿಟ್ಟರು.