ಚಿತ್ರದುರ್ಗ: ಕಾಲಮಿತಿಯೊಳಗೆ ನಾಗರಿಕರಿಗೆ ಸೇವೆ ಒದಗಿಸುವ ‘ಸಕಾಲ ಸೇವೆ’ಯನ್ನು ಬಾಂಗ್ಲದೇಶ ಕೂಡ ಅನುಷ್ಠಾನಗೊಳಿಸಲು ಮುಂದಾಗಿದೆ.
‘ಬಾಂಗ್ಲದೇಶದ ತಂಡವೊಂದು ಸಕಾಲದ ಬಗ್ಗೆ ಒಂದು ವರ್ಷದಿಂದ ಅಧ್ಯಯನ ನಡೆಸಿದೆ. ರಾಜ್ಯಕ್ಕೆ ಭೇಟಿ ನೀಡಿ ಮಾಹಿತಿ ಕಲೆ ಹಾಕಿದೆ. ವಿನೂತನ ಯೋಜನೆ ಅನುಷ್ಠಾನಕ್ಕೆ ಅಲ್ಲಿನ ಸರ್ಕಾರ ಉತ್ಸುಕತೆ ತೋರಿದೆ’ ಎಂದು ಸಕಾಲ ಮಿಷನ್ ಆಡಳಿತಾಧಿಕಾರಿ ಕೆ.ಮಥಾಯ್ ಸುದ್ದಿಗಾರರಿಗೆ ಶನಿವಾರ ಮಾಹಿತಿ ನೀಡಿದರು.
‘ಬಾಂಗ್ಲದೇಶದ 1,500ಕ್ಕೂ ಹೆಚ್ಚು ಅಧಿಕಾರಿಗಳಿಗೆ ಆರು ಹಂತಗಳಲ್ಲಿ ತರಬೇತಿ ನೀಡಲಾಗಿದೆ. ಸಕಾಲ ಸೇವೆ ಜಾರಿಗೊಳಿಸುವ ಪ್ರಕ್ರಿಯೆಗಳು ಈಗಾಗಲೇ ಅಲ್ಲಿ ಆರಂಭವಾಗಿವೆ’ ಎಂದು ಹೇಳಿದರು.