ಶಕ್ತಿ ಗಣಪ ವಿಗ್ರಹ ವಿಸರ್ಜನೆ ಸೋಮವಾರ

7

ಶಕ್ತಿ ಗಣಪ ವಿಗ್ರಹ ವಿಸರ್ಜನೆ ಸೋಮವಾರ

Published:
Updated:
Deccan Herald

ಸುಧಾಮನಗರದ ವಿನಾಯಕ ಭಕ್ತ ಮಂಡಳಿಯು 41ನೇ ವರ್ಷದ ವಿನಾಯಕೋತ್ಸವವನ್ನು ಆಚರಿಸುತ್ತಿದ್ದು, ಇದರ ಅಂಗವಾಗಿ ಸಾವಿರಕ್ಕೂ ಅಧಿಕ ಮಹಿಳೆಯರಿಗೆ ಬಾಗಿನ ನೀಡಿ ಗೌರವಿಸಿದೆ.

ಈ ಬಾರಿ ಐದು ದಿನಗಳವರೆಗೆ ಗಣಪನ ಆರಾಧನೆ ಮಾಡುತ್ತಿರುವ ಮಂಡಳಿಯು, ಪ್ರತಿದಿನವೂ ಸಾಂಸ್ಕೃತಿಕ ಕಾರ್ಯಕ್ರಮ ಸೇರಿದಂತೆ ನಾನಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ. ಯುವ ಪ್ರತಿಭೆಗಳಿಗೆ ವೇದಿಕೆ ಕಲ್ಪಿಸಿಕೊಡುವ ಉದ್ದೇಶದಿಂದ ಮಂಡಳಿಯು ಈ ಬಾರಿ ನೃತ್ಯ ಹಾಗೂ ರಂಗೋಲಿ ಸ್ಪರ್ಧೆಗಳನ್ನು ಆಯೋಜಿಸಿದ್ದು, ವಿಜೇತರಿಗೆ ಸೋಮವಾರ ನಗದು ಬಹುಮಾನ ಹಾಗೂ ಸ್ಮರಣಿಕೆ ನೀಡಲಿದೆ.

ಸೋಮವಾರ ಮಧ್ಯಾಹ್ನ 3ಕ್ಕೆ ಗಣೇಶ ಮೂರ್ತಿಯ ವಿರ್ಸಜನಾ ಮೆರವಣಿಗೆಯನ್ನು ಹಮ್ಮಿಕೊಳ್ಳಲಾಗಿದೆ. ಮೆರವಣಿಗೆಯಲ್ಲಿ 10ಕ್ಕೂ ಹೆಚ್ಚು ಕಲಾತಂಡಗಳು ಭಾಗವಹಿಸಲಿವೆ. ವೀರಗಾಸೆ, ಡೊಳ್ಳುಕುಣಿತ, ತಮಟೆ ವಾದ್ಯ, ಬೊಂಬೆ ಕುಣಿತ, ಮಂಗಳವಾದ್ಯ, ಕೀಲುಕುದುರೆ ಸೇರಿದಂತೆ ಹಲವು ಕಲಾತಂಡಗಳು ಭಾಗವಹಿಸಲಿವೆ.

‘ಮಂಡಳಿಯ ಸದಸ್ಯರ ಹಾಗೂ ದಾನಿಗಳ ನೆರವಿನಿಂದ 41 ವರ್ಷಗಳಿಂದ ಸುಧಾಮನಗರದಲ್ಲಿ ಮಂಡಳಿ ವತಿಯಿಂದ ವಿಜೃಂಭಣೆಯಿಂದ ವಿನಾಯಕೋತ್ಸವ ಆಯೋಜಿಸುತ್ತಾ ಬಂದಿದ್ದೇವೆ. ಪ್ರತಿವರ್ಷವೂ ಭಿನ್ನ ಭಿನ್ನ ರೀತಿಯ ಗಜಾನನ ಮೂರ್ತಿಗಳನ್ನು ಪ್ರತಿಷ್ಠಾಪಿಸಿ ಪೂಜಿಸುವುದು ವಾಡಿಕೆ. ಈ ವರ್ಷವೂ ಕಮಲದ ಮೇಲೆ ಕೂತ, ತಲೆಗೆ ಪೇಟ ಕಟ್ಟಿದ ಶಕ್ತಿ ಗಣಪತಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿದ್ದೇವೆ. ನಾಲ್ಕು ಅಡಿ ಉದ್ದ ಹಾಗೂ ಮೂರೂವರೆ ಅಡಿ ಅಗಲದ ಈ ಮೂರ್ತಿಯನ್ನು ಪಶ್ಚಿಮ ಬಂಗಾಳದ ಕಲಾವಿದರು ಸಿದ್ಧಪಡಿಸಿದ್ದಾರೆ. ಮೂರ್ತಿಗೆ ಬಳಸಿದ ಮಣ್ಣನ್ನು ಪಶ್ಚಿಮ ಬಂಗಾಳದಿಂದ ನಗರಕ್ಕೆ ತರಿಸಿ, ಇಲ್ಲಿಯೇ ಮೂರ್ತಿಯನ್ನು ತಯಾರಿಸಿದ್ದು ವಿಶೇಷ’ ಎನ್ನುತ್ತಾರೆ ಮಂಡಳಿಯ ಮುಖ್ಯಸ್ಥ ರಾಜಶೇಖರ್.

‘ಸುಧಾಮನಗರದ ಅಣ್ಣಿಪುರ ಮುಖ್ಯರಸ್ತೆ ಬಳಿ ಪ್ರತಿಷ್ಠಾಪನೆ, ಸುಧಾಮನಗರ ಮುಖ್ಯರಸ್ತೆಗಳಲ್ಲಿ, ಕೆ.ಎಚ್.ರಸ್ತೆ, ಮಿಷನ್ ರಸ್ತೆ, ಕೆ.ಎಸ್.ಗಾರ್ಡನ್ ಮತ್ತು ಸಿಕೆಸಿ ಗಾರ್ಡನ್, ಲಾಲ್‌ಬಾಗ್ ರಸ್ತೆಗಳಲ್ಲಿ ಶಕ್ತಿಗಣಪತಿಯ ಮೆರವಣಿಗೆ ಸೋಮವಾರ ಮಧ್ಯಾಹ್ನ ಸಾಗಲಿದೆ. ಬಳಿಕ ಯಡಿಯೂರು ಕೆರೆಯಲ್ಲಿ ವಿಸರ್ಜನೆ ಮಾಡಲಾಗುತ್ತದೆ’ ಅಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !