<p>– ಗಿರೀಶ ಜಕಾಪುರೆ</p>.<p>ಅಗಾಧ ಪ್ರೀತಿಯಿದೆ ನಿನ್ನ ವಂಚನೆಯ ಒಳಗೂ ಹೊರಗೂ</p>.<p>ಗೊತ್ತು, ನಾನೇ ತುಂಬಿರುವೆ ನಿನ್ನೆದೆಯ ಒಳಗೂ ಹೊರಗೂ</p>.<p>ಎಷ್ಟು ಕುಡಿದರೂ ತೃಪ್ತಿಯಿಲ್ಲ, ತಲ್ಲಣಗಳು ತಣಿಯುತ್ತಿಲ್ಲ</p>.<p>ತೀರ ವಿಚಿತ್ರ ದಾಹವಿದೆ ಸಾಕಿ ದೇಹದ ಒಳಗೂ ಹೊರಗೂ</p>.<p>ಚೀತ್ಕಾರದಂತೆ ಕೇಳಿಸುತಿದೆ ಕೋಗಿಲೆಯ ಕುಹೂ ದನಿಯೂ</p>.<p>ಏನೋ ಗೌಜು ಗದ್ದಲ ಎದ್ದಿದೆ ಕಾಡಿನ ಒಳಗೂ ಹೊರಗೂ</p>.<p>ನನ್ನ ಕೆಲವು ಗಜಲ್ ಗಳ ಹೊರತು ಇಲ್ಲಿ ನನ್ನದೇನಿದೆ ಹೇಳು</p>.<p>ಬರೀ ನಿನ್ನದೇ ಚರ್ಚೆ ಮಧುರಾಲಯದ ಒಳಗೂ ಹೊರಗೂ</p>.<p>ಅಷ್ಟೇ ಸ್ತಬ್ಧ, ಸುಶಾಂತ; ಅಷ್ಟೇ ಮುಗ್ಧ, ಮೌನ; ಅಷ್ಟೇ ತಟಸ್ಥ</p>.<p>ಅದೇ ನಿರ್ಭಾವವಿದೆ ನಿನ್ನ ಭಾವಚಿತ್ರದ ಒಳಗೂ ಹೊರಗೂ</p>.<p>ನೀನಿರುವ ಭಾಸ ಆಭಾಸವಿದೆ, ಏಕಾಂತದಲೂ ಏಕಾಂತವಿಲ್ಲ</p>.<p>ನಿನ್ನ ಪ್ರೀತಿಯೇ ತುಂಬಿದೆ ವಿರಹಗೀತೆಯ ಒಳಗೂ ಹೊರಗೂ</p>.<p>ನೀತಿಯ ಅದೃಶ್ಯ ಸರಪಳಿಯಲಿ ಬಂಧಿತ ಆಜೀವ ಕೈದಿ ನಾನು</p>.<p>ಚಿಟ್ಟೆಗಳು ಮಾತ್ರ ಹಾರಬಲ್ಲವು ಕಿಟಕಿಯ ಒಳಗೂ ಹೊರಗೂ</p>.<p>ದೇವ ಎಲ್ಲಿಹನು ಎಲ್ಲಿ ಇಲ್ಲ ಎಂದು ಹೇಗೆ ಹೇಳುವೆ 'ಅಲ್ಲಮ'</p>.<p>ಕಲ್ಲು ಬಂಡೆಗಳೇ ಕಂಡಿರುವೆನು ಗುಡಿಯ ಒಳಗೂ ಹೊರಗೂ</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>– ಗಿರೀಶ ಜಕಾಪುರೆ</p>.<p>ಅಗಾಧ ಪ್ರೀತಿಯಿದೆ ನಿನ್ನ ವಂಚನೆಯ ಒಳಗೂ ಹೊರಗೂ</p>.<p>ಗೊತ್ತು, ನಾನೇ ತುಂಬಿರುವೆ ನಿನ್ನೆದೆಯ ಒಳಗೂ ಹೊರಗೂ</p>.<p>ಎಷ್ಟು ಕುಡಿದರೂ ತೃಪ್ತಿಯಿಲ್ಲ, ತಲ್ಲಣಗಳು ತಣಿಯುತ್ತಿಲ್ಲ</p>.<p>ತೀರ ವಿಚಿತ್ರ ದಾಹವಿದೆ ಸಾಕಿ ದೇಹದ ಒಳಗೂ ಹೊರಗೂ</p>.<p>ಚೀತ್ಕಾರದಂತೆ ಕೇಳಿಸುತಿದೆ ಕೋಗಿಲೆಯ ಕುಹೂ ದನಿಯೂ</p>.<p>ಏನೋ ಗೌಜು ಗದ್ದಲ ಎದ್ದಿದೆ ಕಾಡಿನ ಒಳಗೂ ಹೊರಗೂ</p>.<p>ನನ್ನ ಕೆಲವು ಗಜಲ್ ಗಳ ಹೊರತು ಇಲ್ಲಿ ನನ್ನದೇನಿದೆ ಹೇಳು</p>.<p>ಬರೀ ನಿನ್ನದೇ ಚರ್ಚೆ ಮಧುರಾಲಯದ ಒಳಗೂ ಹೊರಗೂ</p>.<p>ಅಷ್ಟೇ ಸ್ತಬ್ಧ, ಸುಶಾಂತ; ಅಷ್ಟೇ ಮುಗ್ಧ, ಮೌನ; ಅಷ್ಟೇ ತಟಸ್ಥ</p>.<p>ಅದೇ ನಿರ್ಭಾವವಿದೆ ನಿನ್ನ ಭಾವಚಿತ್ರದ ಒಳಗೂ ಹೊರಗೂ</p>.<p>ನೀನಿರುವ ಭಾಸ ಆಭಾಸವಿದೆ, ಏಕಾಂತದಲೂ ಏಕಾಂತವಿಲ್ಲ</p>.<p>ನಿನ್ನ ಪ್ರೀತಿಯೇ ತುಂಬಿದೆ ವಿರಹಗೀತೆಯ ಒಳಗೂ ಹೊರಗೂ</p>.<p>ನೀತಿಯ ಅದೃಶ್ಯ ಸರಪಳಿಯಲಿ ಬಂಧಿತ ಆಜೀವ ಕೈದಿ ನಾನು</p>.<p>ಚಿಟ್ಟೆಗಳು ಮಾತ್ರ ಹಾರಬಲ್ಲವು ಕಿಟಕಿಯ ಒಳಗೂ ಹೊರಗೂ</p>.<p>ದೇವ ಎಲ್ಲಿಹನು ಎಲ್ಲಿ ಇಲ್ಲ ಎಂದು ಹೇಗೆ ಹೇಳುವೆ 'ಅಲ್ಲಮ'</p>.<p>ಕಲ್ಲು ಬಂಡೆಗಳೇ ಕಂಡಿರುವೆನು ಗುಡಿಯ ಒಳಗೂ ಹೊರಗೂ</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>